Ferizaj

Klubi i karatesë “Kastrioti” shënon 40 vjetorin e themelimit

Published

8 years ago

22 December, 2018

Klubi i karatesë “Kastrioti” në Ferizaj, ka shënuar 40 vjetorin e themelimit. Në një ceremoni të organizuar nga ky klub, u tregua për rrugëtimin e këtij klubi për katër dekada me radhë.

“Me pavarësimin e sporteve në vitet e 90-ta KK ”Luftëtari” u transformua në KK “Kastrioti”, e që prej themelimit e deri në ditët e sotme KK “Kastrioti” ka për çka të krenohet, nga ky klub kanë dalë garues kulminant të të gjitha niveleve në gara kombëtare e ndërkombëtare, nga ky klub kanë dalë mjeshtër e instruktorë që ushtrojnë edhe njësitë elite në ushtritë e huaja, nga ky klub kanë dalë referë cilësor që referojnë në arenën kombëtare e ndërkombëtare, nga ky klub kanë dalë trajnerë që kanë arritur suksese të mëdha, në këtë klub u kultivua sporti, disiplina, dija dhe atdhedashuria”, tha Raif Musa, trajner në klubin e karatesë “Kastrioti”.

“Kastrioti” mburret me shumë rezultate, por më të veçantat janë se në mesin tonë ka kampionë të Kosovës, kampionë mbarëkombëtar, kupa dhe kampionate individuale ballkanike siç është Alma Loku fituese e kupës botërore në Kroaci, ku ka hy në historinë e karatesë së Kosovës, ne si “Kastriot” krenohemi me këto rezultate që kemi arritur si në arenën kombëtare, ndërkombëtare, evropiane, botërore, ku një kohë nuk kemi pasur mundësi me dalë jashtë Kosovës, por ne kemi depërtuar duke iu falënderuar profesorit Fahri Mahallës”, tha Gani Mahalla nga klubi “Kastrioti”.

Kurse, themeluesi i klubit të karatesë ‘’Kastrioti”, Fahri Mahalla, kërkoi që të investohet në sport, pasi sporti përveç që është ambasador i një shteti, është edhe ruajtës i shëndetit.

“Ju sportistë jeni ambasadorët më të mirë të kombit, pasi duke prezantuar vetën prezantoni kombin, prandaj duhet të jeni shembull për të tjerët me kulturë të lartë, prandaj respektimi i rregullave sortive është me rëndësi, ndërsa prindërve u kisha kërkuar që t’i angazhojnë fëmijët që të merren sa më shumë me sport, sepse marrja me sport është edhe ruajtje e shëndetit”, tha Mahalla.

Drejtoresha e Kulturës, e Rinisë dhe e Sportit në Ferizaj, Xhemile Murati- Shabani, tha se Ferizaj krenohet me sukseset e klubeve sportive, teksa theksoi se janë duke bërë përpjekje që të përmirësojnë infrastrukturën sportive në këtë qytet.

“Ndjehem e nderuar pasi në moshën e re edhe unë isha një ndër sportistet që isha pjesë e këtij klubi dhe ajo që mund t’iu them është se vitin 2019 do ta fillojmë mbarë pasi jemi duke kontribuar në përmirësimin e infrastrukturës sportive dhe viti 2019 do të na pres me shumë projekte sa i përket objekteve sportive ku vitin 2019 do ta fillojmë me një pishinë gjysmë olimpike, e kemi filluar qendrën sportive në Greme, po ashtu do të kemi edhe shumë objekte të tjera dhe më e veçanta është palestra për sporte individuale. Ne si komunë ndihemi të nderuar me sukseset që na i ka sjellur klubi i karatesë “Kastrioti”, tha ajo.

Në fund të kësaj ceremonie u ndanë mirënjohje për anëtarët dhe përkrahësit e klubit ”Kastrioti” ndër vite.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar