Ferizaj

Të krishterët shënojnë Festën e Krishtlindjeve

Published

8 years ago

24 December, 2018

Kremtimet për Krishtlindje fillojnë sonte në mesnatë. Për këtë festë të gëzimit dhe të shpresës për besimtarët e krishterë, kisha katolike ”Engjëlli i Rojës” në Ferizaj, ka bërë përgatitjet e nevojshme.

“Sot ne jemi në vigjilje të pritjes së festës ku pas katër javësh përgatitje këndohet për të parën herë sot në orën 23:00, lavdi Zotit në qiell dhe paqe njerëzve në tokë, janë dy komponente që i japin shije jetës, duaje Zotin, duaje të afërmin, në këto dy parime është e tërë teologjia dhe mësimi krishterë, nuk mund ta duash Zotin nëse nuk e vëren atë që e ke afër. Kisha katolike këtu në Ferizaj ku unë jam famullitar, jemi përgatitur në mënyrë intensive edhe me meshë, siç quhet e agimit në ora 6:00 të mëngjesit, ndërsa në ora 23:00 kemi program me fëmijë ku do të këndohet për paqe dhe nderim Zotit, ndërsa nesër dita e Krishtlindjeve nga ora 12:00 do të bëjmë pritjen për të ndarë së bashku gëzimin me mysafirët”, tha Sopi.

Në vigjilje të kësaj feste, famullitari i kishës “Engjëlli i Rojës”, Don Viktor Sopi, uroi për më shumë paqe, dashuri, mirëkuptim e tolerancë në mes të njerëzve.

“Dëshiroj që qytetarët e Ferizajt ta duan qytetin më shumë dhe të merren me gjëra pozitive më shumë që pozitiviteti i tyre intelektual, kulturor dhe edukativ të kalon tek brezat e ri, sepse nëse ndalemi vetëm në kritikë ajo na bëhet si pjesë e të jetuarit dhe menduarit, por të mendojmë për perspektivat tona që kemi një rini të mrekullueshme që mos të dëshirojnë vetëm botën perëndimore sepse bota perëdimore ka me qenë këtu, dëshiroj që të duhemi më shumë mes vete dhe atë dashuri ta bëjmë pjesë të jetës së përditshme”, tha Sopi.

Krishtlindja është festa e lindjes së Jezusit, i cili besohet nga të krishterët si Biri i Perëndisë të cilin Perëndia e ka zbritur në tokë për të shlyer mëkatet e njerëzimit dhe për ta kthyer atë në shtëpinë e Perëndisë.

Në komunën e Ferizajt jetojnë mbi 120 familje të besimit katolik.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

5 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.