Ferizaj

LVV kritikon punën një vjeçare të qeverisë lokale

Published

7 years ago

29 December, 2018

Punën një vjeçare të ekzekutivit ferizajas, Lëvizja Vetëvendosje në këtë qytet, e konsideron të njëjtë me atë të qeverisjes së Muharrem Svarqes.

Kryetari i kësaj partie në Ferizaj Valon Ramadani, tha se edhe gjithë këto vite pas luftës shumë fshatra të Ferizajt, por edhe lagje të qytetit, vazhdojnë të ballafaqohen me mungesë të ujit të pijshëm.

“Është për keqardhje që edhe 20 vite pas luftës ende duhet kritikuar që fshatrat si Gremja e shumë të tjera, e disa pjesë të qytetit, ende nuk kanë ujë të pijshëm e probleme me ujëra të zeza, po ashtu sikurse kryetarët e kaluar edhe ky i tanishmi edhe pse ka premtuar rrugë për fshatrat si Tërrn e Bablak ata ende janë në gjendje të mjerueshme dhe sigurisht një gjendje e tillë është edhe në disa fshatra të tjera dhe në disa lagje të zonës urbane. Po ashtu gjendja me punësime nepotiste nuk ka ndryshuar fare nga e kaluara”, tha Ramadani.

Ndërsa,asamblistja e Lëvizjes Vetëvendosje Evetare Azemi, tha se këshilltarët e kësaj partie në Kuvendin Kommunal, kanë qenë avokat të qytetarëve ferizajas gjatë këtij viti.

“Vetëvendosje ishte një avokate në mbrojtjen e brengave të qytetarëve duke i adresuar të gjitha në adresën, vendin dhe kohën e duhur në Kuvendin Komunal, prandaj që në fillim ne ngritëm zërin, pra nuk u pajtuam me ndryshimin e lokacionit të varrezave të qytetit, ndryshimin e lokacionit të spitalit, madje në kundërshtim me Planin Zhvillimor të Komunës, për të cilën gjë e kemi ngritur zërin kundërshtues në Asamblenë Komunale. Kemi kundërshtuar marrëveshjen dy palëshe ndërmjet komunës dhe ”Caritas Kosova” sepse ishte e kundërligjshme, për çka edhe e kemi lëshuar seancën. Kemi ngritur zërin ndaj ndërtimeve pa leje, të cilat kanë ngufatur qytetin dhe për të cilat kemi inicuar një seancë të jashtëzakonshme. Kemi pasur edhe mospajtime me punësime partiake e ato familjare”, tha Azemi.

Në këtë konferencë të thirrur për media, Lëvizja Vetëvendosje foli edhe për procesin e zgjedhjeve të brendshme të kësaj partie, ku u tha se ky proces do të përfundoj shumë shpejt me zgjedhjen e kryesisë së partisë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

6 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim