Ferizaj

Prindërit në Ferizaj: Të hënën i dërgojmë fëmijët në shkollë

Published

7 years ago

30 January, 2019

Këshilli i prindërve i Ferizajt, ka kërkuar nga prindërit që të hënën t’i dërgojnë fëmijët e tyre në shkolla.
Visar Islami, nënkryetar i këtij këshilli në Ferizaj, tha se edhe nëse nuk do të arrihet një marrëveshje mes institucioneve dhe SBASHK-ut, të hënën nxënësit duhet të paraqiten në shkollë.
“Kemi pasur takime të shpeshta, kemi diskutuar edhe me SBASHK-un në nivel lokal, kemi pasur takime të rregullta me ta, jemi përpjekur, jemi munduar që të gjendet një zgjidhje me ministrinë dhe SBASHK-un, mirëpo prapë nuk është arritur ai qëllim. SBASHK-u nuk tërhiqet nga kërkesat e tyre, ministria u ka ofruar atë mundësi që e ka, por ne si këshill i prindërve apelojmë tek SBASHK-u që të fillojnë me mësim ditën e hënë dhe nxënësit dhe mësimdhënësit të jenë pjesë e mësimit. Ne po kërkojmë që të hënën të jetë mësim i rregullt dhe të fillojë procesi mësimor. Kjo thirrje është edhe për mësimdhënësit edhe prindërit” tha Islami.
Islami shprehet se është tejet shqetësuese humbja e kaq shumë orëve mësimore, por sipas tij, dhe më shqetësuese është mënyra se si do të kompenzohen ato.
“Humbjet që janë shkaktuar që tri javë, unë nuk besoj se do të gjendet kohë për me i kompenzu, kam ndëgju se do të vazhdohet në kohën e verës, por megjithatë mësimdhënësit nuk do të dalin në ato ditë, ne e kemi thënë edhe pa tri jave që çdo orë e humbur është problem të kompenzohet”, tha Islami.
Ndryshe, tash e 17 ditë nxënësit po qëndrojnë jashtë bankave shkollore si pasojë e grevës së mësimdhënësve, të cilët janë duke kërkuar korrigjimin e projekt-ligjit për paga, në mënyrë që punëtorët e arsimit, sipas tyre, të kenë një trajtim meritor në sistemin publik.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë:

Ferizaj

Policia ia sekuestron dy armë pa leje një personi në Doganaj të Kaçanikut

Published

2 weeks ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.