Ferizaj

Kallëzim penal kundër dëshmitarit në rastin Grainca

Published

8 years ago

16 February, 2019

Dëshmitarit Premtim Asllani nga Ferizaj i është ngritur kallëzim penal në Prokurorinë Themelore të Ferizajt për dhënie të dëshmisë së rreme në procesin gjyqësor që po mbahet kundër ish- drejtorit të urbanizmit, Faik Grainca. Kushtrim Palushi, avokat mbrojtës i banorëve të rrugës Astrit Bytyqi, tha se ekipi i avokatëve mbrojtës ka përgatitur dhe deponuar dje një kallëzim penal kundër dëshmitarit Asllani, pasiqë sipas ekipit të mbrojtësve, ky dëshmitar në gjykatë ka dhënë deklaratë të rreme nën betim, me qëllim që ti dalë në mbrojtje ish-eprorit të tij në departamentin e urbanizmit të Ferizajt. Grainca tash e një vit po gjykohet në Gjykatën Themelore të Ferizajt për keqpërdorim të detyrës zyrtare dhe falsifikim të dokumentit.

“Ne, pas analizimit të deklaratës së dëshmitarit Premtim Asllani kemi gjetur disa prova ku dëshmohet përkatësisht vërtetohet se ai ka bërë deklarim të rremë në kuadër të shqyrtimit gjyqësor. Tashmë dihet nga i tërë qyteti, një pjesë e rrugës është larguar nga plani Zhvillimor Komunal nga ndërtimi i lartë në atë të ulët, dhe largimi ka ndodhur në mënyrë të mistershme dhe nuk dihet se si është larguar. Ndërsa në deklarimin e tij, ky dëshmitar ka deklaruar se kjo pjesë e rrugës është larguar për arsye se ka pasur një peticion, kërkesë të asaj rruge, dhe se ky peticion dhe kërkesë është paraqitur në raportin e shqyrtimit të peticionit dhe ankesave. Por pas hulumimit që është bërë, ne kemi gjetur një peticion të anës së majtë të rrugës “Astrit Bytyqi”, i cili është protokoluar, është dorëzuar në Komunë, mirëpo është fshehur nga anëtarët e komisionit, dhe ai peticion nuk është paraqitur në raportin e shqyrtimit publik e as në mbledhjen e komisionit për shqyrtim të peticionit. Ndërkaq deklarimi i tij ka qenë se ai peticion, sikurse të tjerët, është marrë parasysh dhe është i paraqitur në raportin mbi shqyrtimin e peticioneve, por fakti është se ai peticion është fshehur, nuk është publikuar”, deklaroi avokati Palushi.

TV TEMA përmes telefonit ka kontaktuar me anëtarin e komisionit Premtim Asllani, për të marrë një prononcim nga ai lidhur me kallëzimin penal të ngritur kundër tij , mirëpo ai nuk u shpreh i gatshëm që të deklarohej sot për këtë çështje.

Sipas nenit 391 të kodit penal të Kosovës, në rast se personi në procedurë penale jep deklaratë të rreme në betim, ai person mund të dënohet me gjobë ose me burgim deri në 5 vjet.

Ferizaj

Siguria juaj fillon me zgjedhjen e duhur të sigurimit

Published

9 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

9 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.