Art & Showbiz

Fehmi Hoxha, fitues i çmimit “Gursel Sylejmani”

Published

5 years ago

16 February, 2019

Në galerinë e arteve në Ferizaj, në kuadër të organizimeve për Ditën e Pavarësisë, sonte është hapur ekspozita tradicionale ‘’Gursel Sylejmani”.
Në prani të dhjetëra artdashësve, u nda edhe çmimi “Gursel Sylejamani”, me të cilin sivjet u nderua Fahmi Hoxha, artist nga Rahoveci .

Kryetarja e Shoqatës së Artistëve Figurativ ”Zef Kolombi” Pranvera Sylejmani, e cila është edhe bija e dëshmorit Gursel Sylejmani, tha se për këtë çmim kanë konkuruar 70 artistë nga qytete të ndryshme të Kosovës.

“ Në këtë ekspozitë konkurruan një numër mjaft i mirë i konkurrentëve artistë nga Kosova, numri ishte mbi 70 veta, ndërsa sonte pjesëmarrës janë 60-të. Të vështirë e ka pasur komisioni, sepse komisionin që e kemi zgjedhë kanë qenë komplet të pavarur nga ne organizatorët. Kanë pasë mjaft punë, sepse numri i aplikuesve ishte shumë i madh. Jam shumë e lumtur sidomos që sonte po shoh shumë të rinj, po shoh edhe nxënës së shkollës së artit që janë edhe nxënës të mi, që po më bëjnë me u ndje krenare që janë sonte këtu. “ u shpreh kryetarja Sylejmani

Kurse nga përfaqësues nga drejtoria e kulturës, thanë se ekspozita tradicionale”Gursel Sylejmani”, i jep madhështi aktiviteteve që komuna po organzion për nder të festës së Pavarësisë.

“Siç e keni pa në kalendarin të cilin e kemi publikuar në aktivitet në kuadër të manifestimit të Pavarësisë, 11 vjetorit të Pavarësisë. Një rëndësi e veçantë i kushtohet edhe ekspozitës tradicionale ku ndahet çmimi “Gursel Sylejmani”. Natyrisht është bë një punë e mirë edhe nga shoqata dhe nga stafi i galerisë, qendrës kulturës, drejtorisë së kulturës edhe është bë një punë e mirë gjithashtu edhe nga komisioni i cili ka përzgjedhë këto punime sepse është e vështirë për shkak që ka punime nga gjithë Kosova, ka punime nga artistë profesionistë dhe është një punë e vështirë. Mendoj që një ekspozitë e tillë, i jep edhe më shumë një sharm festës sonë edhe sidomos traditën që po e ruajmë me këtë ekspozitë. “ – deklaroi Sabri Pajaziti

Fehmi Hoxha, fitues i sivjetëm i çmimit tradicional Gursel Sylejmani”, u shprh e për të nderimi me çmimin “Gursel Sylejmani” është e arritura më e madhe në karrierën e tij.

”Është një peisazh, një kompozicion abstrakt, me një teknologji komplet ndryshe, është një stil i veçantë, teknologji e veçantë, teknikë e veçantë. Punoj që nga viti 2002 në këtë teknikë dhe kjo është avancuar, dhe fatbardhësisht sot e paskan përzgjedh këtë punimin tim, gjë që jam falenderues. Është kënaqësi për pavarësi çmimi “Gursel Sylejmani” për të cilin kam dëgjuar shumë” – u shpreh Fehmi Hoxha

Ekspozita tradicionale “Gursel Sylejmani”, do të qëndrojë e hapur dhjetë ditë.

Art & Showbiz

Ndahet nga jeta aktori i mirënjohur, Mirush Kabashi.

Published

5 months ago

05 December, 2023

Redaksia

Është ndarë nga jeta në moshën 75-vjeçare aktori i mirënjohur, Mirush Kabashi.

Lajmin e kanë bërë të ditur familjarët e tij, të cilët nëpërmjet një njoftimi bëjnë me dije se Kabashi ka mbyllur sytë mesnatën e sotme, transmeton A2CNN.

“Të nderuar Miq, Kolegë dhe Dashamirës, me pikëllim të thellë ju njoftojmë se MIRUSH KABASHI ndërroj jetë të Martën, në datë 5 Dhjetor pas mesnate. Për sa i përket detajeve të ditës, orës së varrimit dhe homazheve do ju komunikojmë në orët në vazhdim” thuhet në njoftim.

Mirush Kabashi lindi më 17 prill 1948 në Shkodër dhe është rritur në Durrës. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike.

Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në kinematografinë shqiptare.

Një pjesë të jetës së tij, Kabashi ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”.

Që prej vitit 2014 mbante titullin e lartë “Nderi i Kombit”, kurse më parë kishte edhe titujt “Artist i Merituar” dhe “Mjeshtër i Madh i Punës”.

Rolet kinematografike:

Kronikë provinciale (2009)
Ne dhe Lenini (2008)
Nata (1998)
Edhe ashtu edhe kështu (1989)…. Babai i Almës
Binarët (film) (1987)
Telefoni i një mëngjesi (1987)….Kujtimi
Zëvendësi i grave (1987)……… Lisimak Voci
Nxënësit e klasës sime (1984)..Mësues Nardi
Kohë e largët (1983) ………Asketi Lithan
Dora e ngrohtë (1983) ………Brahushi
Shoqja nga fshati (1980) ………Nasi (dajua i Tirkes)
Një ndodhi në port (1980) ……….Calamani
Gëzhoja e Vjetër (1980) ………Bake
Radiostacioni (1979) ……Një nga tekniket e Radios
Koncert në vitin 1936 (1978)… Toger Shazivari
Zani partizani (1976) (TV)….Partizan-vëlla i Zanit
Emblema e dikurshme (1976) ……..Veniamin Papa

Art & Showbiz

Kryevepra e Pikasos që portretizon dashnoren e tij mund të shitet mbi 120 milionë dollarë

Published

7 months ago

15 September, 2023

Redaksia

Një kryevepër e Pikasos , e titulluar “Femme à la montre” (Gruaja me orë), pritet të shitet mbi 120 milionë dollarë kur të dalë në ankand më vonë gjatë vitit.

Piktura në vaj e vitit 1932, do të jetë në qendër të vëmendjes në ankandin dy-ditorë në Sotheby’s në Nju Jork në nëntor, kur edhe do të dalë në shitje koleksioni i Emily Fisher Landau.

Piktura me përmasa 130 x 96,5 centimetra, shfaq të dashurën dhe “muzën e artë” të Pikasos,

Marie-Thérèse Walter, e cila u portretizua në disa nga pikturat e tij.

Deri tani, disa nga veprat e Pikasos u shitën me shuma mbi 100 milionë dollarë, derisa në maj të vitit 2015, kryevepra e tij “Les femmes d’Alger” (Versioni “O”) u shit nga shtëpia e ankandeve Christie’s në Nju Jork për 179.4 milionë dollarë.

Art & Showbiz

Sonte përfundon Festivali Teatrove – Agjenda për sot

Published

2 years ago

07 October, 2022

administrator

Sot në mbrëmje përfundon Festivali Teatrove që ka filluar më 1 tetor në Ferizaj.

Me fillim nga ora 17:00 do të jetë retroteatri me perfomancën “Premartyris” i regjistorit Kushtrim Mehmeti që shfaqet në kishën katolike.

Kjo ditë vazhdon me shfaqjen “Koleksionisti i syve” me autor Ag Apolloni e regjisor Ben Apolloni që shfaqet në teatrin “Adriana” me fillim nga ora 18:00.

Në ora 19:30 bëhet ndarje e shpërblimeve kurse festivali përfundon me ndejën në oborrin e teatrit ku me fillim nga ora 21:00 performon Edona Reshitaj.