Art & Showbiz

Premiera “Hanibali i Nëntokës” në teatrin “Adriana”

Published

5 years ago

16 February, 2019

Premiera e dramës “Hanibali i nëntokës” me tekst të dramaturgut bullgar Hristo Boytchev, në regji të Fatlum Hazirit, u shfaq mbrëmë në teatrin “Adriana”, pas përgaditjeve disamujore që me këtë pjesë teatrale, aktorët e trupës Ferizajase ta shënonin përvjetorin e 11 të pavarësisë së Kosovës.
Regjisori vendas, Fatlum Haziri tha se shfaqja trajton problemet globale, me theks të vecantë paranë dhe epshin për të që e shfaqin figurat politike.

“Mungesa e parasë te një shoqëri, tek njerëzit sot, dhe për një moment të gjithë pasurohen dhe nuk dinë çfarë të bëjnë me paratë. Këtu lind problem, sepse ata janë mësuar gjithmonë të jetojnë në varfëri të skajshme, në varfëri të madhe, kurse për një moment bëjnë shumë para dhe nuk dinë çfarë të bëjnë me to. Është socio-politike sepse aty kritikohet thellë pushteti, figurativisht pushteti është pjesa e nëntokës, ndërsa pjesa religjioniste ku njeriu ka shpresa është mbitoka ku vie më vonë si surprizë. Kjo mendoj që është ajo është paraja, ai fiksimi, obsesioni i njerzëve, i personazheve të cilët e zhvillojnë ngjarjen tutje.”

Haziri, u shpreh se ajo që i dha motiv për të vazhduar, është mikpritja që i bëri publiku ferizajas shfaqjes së drejtuar nga ai.

“Me thanë sinqerisht, kam pasur stres dhe presion sepse ka qenë shfaqja ime e parë, premiera ime e parë në teatër. Si për çdokënd, diqça e parë është e frikshme, sepse është e panjohur me njëfarë forme. Për mua ka qenë e sikletshme momenti kur ka filluar shfaqja, kam fillu ta shoh sikur prej këndit të shikuesit dhe jo prej këndit të regjisorit. Barazi me publikun qeshja edhe unë, edhe pse e kam parë për dy muaj rresht shfaqjen, e kam përgatitur vetë dhe bashkë me trupën. Më surprizoi sepse aktorët e dhanë maksimumin, dhe ka qenë jashtëzakonisht mirë e pritur dhe ka pasur emocion të mirë sepse ka qenë komedi e situatës e cila trajton tema politike, por ka pasë edhe momente dramatike ku njerëzit kanë përjetuar njëfarë gjendje kështu… mishërimi mes personazheve edhe jetës tyre që e kanë të përditshme. Thjesht ngjarja, subjekti është i përshtatur me rrethanat aktuale brenda qytetit tonë të Ferizajt, bredna Kosovës, me problemin e vizave, problemin e izolimit, problemin e parasë dhe të gjitha problemeve tjera.” – u shpreh regjisori Fatlum Haziri.

Shfaqja “Hanibali i Nëntokës”, u reprizua edhe sot, ndërsa sipas regjisorit Haziri, trupa e Ferizajt me këtë shfaqje do të merr udhë drejt skenave më të njohura të trojeve shqiptare gjatë këtij viti dhe gjatë vitit të ardhshëm.

Art & Showbiz

Ndahet nga jeta aktori i mirënjohur, Mirush Kabashi.

Published

5 months ago

05 December, 2023

Redaksia

Është ndarë nga jeta në moshën 75-vjeçare aktori i mirënjohur, Mirush Kabashi.

Lajmin e kanë bërë të ditur familjarët e tij, të cilët nëpërmjet një njoftimi bëjnë me dije se Kabashi ka mbyllur sytë mesnatën e sotme, transmeton A2CNN.

“Të nderuar Miq, Kolegë dhe Dashamirës, me pikëllim të thellë ju njoftojmë se MIRUSH KABASHI ndërroj jetë të Martën, në datë 5 Dhjetor pas mesnate. Për sa i përket detajeve të ditës, orës së varrimit dhe homazheve do ju komunikojmë në orët në vazhdim” thuhet në njoftim.

Mirush Kabashi lindi më 17 prill 1948 në Shkodër dhe është rritur në Durrës. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike.

Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në kinematografinë shqiptare.

Një pjesë të jetës së tij, Kabashi ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”.

Që prej vitit 2014 mbante titullin e lartë “Nderi i Kombit”, kurse më parë kishte edhe titujt “Artist i Merituar” dhe “Mjeshtër i Madh i Punës”.

Rolet kinematografike:

Kronikë provinciale (2009)
Ne dhe Lenini (2008)
Nata (1998)
Edhe ashtu edhe kështu (1989)…. Babai i Almës
Binarët (film) (1987)
Telefoni i një mëngjesi (1987)….Kujtimi
Zëvendësi i grave (1987)……… Lisimak Voci
Nxënësit e klasës sime (1984)..Mësues Nardi
Kohë e largët (1983) ………Asketi Lithan
Dora e ngrohtë (1983) ………Brahushi
Shoqja nga fshati (1980) ………Nasi (dajua i Tirkes)
Një ndodhi në port (1980) ……….Calamani
Gëzhoja e Vjetër (1980) ………Bake
Radiostacioni (1979) ……Një nga tekniket e Radios
Koncert në vitin 1936 (1978)… Toger Shazivari
Zani partizani (1976) (TV)….Partizan-vëlla i Zanit
Emblema e dikurshme (1976) ……..Veniamin Papa

Art & Showbiz

Kryevepra e Pikasos që portretizon dashnoren e tij mund të shitet mbi 120 milionë dollarë

Published

7 months ago

15 September, 2023

Redaksia

Një kryevepër e Pikasos , e titulluar “Femme à la montre” (Gruaja me orë), pritet të shitet mbi 120 milionë dollarë kur të dalë në ankand më vonë gjatë vitit.

Piktura në vaj e vitit 1932, do të jetë në qendër të vëmendjes në ankandin dy-ditorë në Sotheby’s në Nju Jork në nëntor, kur edhe do të dalë në shitje koleksioni i Emily Fisher Landau.

Piktura me përmasa 130 x 96,5 centimetra, shfaq të dashurën dhe “muzën e artë” të Pikasos,

Marie-Thérèse Walter, e cila u portretizua në disa nga pikturat e tij.

Deri tani, disa nga veprat e Pikasos u shitën me shuma mbi 100 milionë dollarë, derisa në maj të vitit 2015, kryevepra e tij “Les femmes d’Alger” (Versioni “O”) u shit nga shtëpia e ankandeve Christie’s në Nju Jork për 179.4 milionë dollarë.

Art & Showbiz

Sonte përfundon Festivali Teatrove – Agjenda për sot

Published

2 years ago

07 October, 2022

administrator

Sot në mbrëmje përfundon Festivali Teatrove që ka filluar më 1 tetor në Ferizaj.

Me fillim nga ora 17:00 do të jetë retroteatri me perfomancën “Premartyris” i regjistorit Kushtrim Mehmeti që shfaqet në kishën katolike.

Kjo ditë vazhdon me shfaqjen “Koleksionisti i syve” me autor Ag Apolloni e regjisor Ben Apolloni që shfaqet në teatrin “Adriana” me fillim nga ora 18:00.

Në ora 19:30 bëhet ndarje e shpërblimeve kurse festivali përfundon me ndejën në oborrin e teatrit ku me fillim nga ora 21:00 performon Edona Reshitaj.