Ferizaj

USHAF me programe master, mungon energjia e ripërtëritshme

Published

7 years ago

26 March, 2019

Me fillmin e vitit 2019, Këshilli Shtetëror i Cilësisë kishte mbyllur disa programe të Universitetit të Shkencave të Aplikuara në Ferizaj, duke lënë kështu vetëm dy programe të akredituara.
Pas reagimit të rektoratit të këtij Universiteti, ishin rikthyer programet e Inxhinierisë Industriale, Informatikës dhe Menaxhmentit të Hotelerisë e Turizmit.
Agron Bajraktari, rektor, tha se përveç katër programeve mësimore që tani zhvillohen në këtë universitet, është në pritje të akreditimit të edhe disa programeve të reja:

“Për opinionin kemi këtë lajm, se të gjitha programet të cilave u është tërhequr akreditimi, të gjitha kanë marrur vlerësim pozitiv nga Këshilli Shtetëror i Cilësisë, që do të thotë se nuk ka asnjë program që i është tërhequr akreditimi. Njëkohësisht kemi në proces të akreditimit 5 programe të reja, ku kanë kaluar fazën e vlerësimit të stafit akademik mbi atë se stafi akademik është adekuat për këto programe, dhe janë tri programe në nivelin master dhe dy programe në nivelin bachelor. Ne si Universitet për herë të parë do të kemi studime master në tri drejtime, dhe do të kemi rikthimin e programit Menaxhment Industrial të nivelit bachelor, dhe do të kemi drejtimin e ri Dizajn Grafik dhe Multimedia, që do të jetë drejtim i ri pranë institucionit tonë” – tha rektori Bajraktari.

Nebi Jashari, inxhinjer me përvojë shumëvjeçare dhe kuadër i përgatitur në fakultetin e Inxhinierisë Mekanike të Rjekës në Kroaci dhe në Universitetin Teknik të Berlinit, thotë se krahas ambicieve që janë shfaqur në fillet e themelimit, Univerisiteti i Ferizajt ende nuk ka arritur nivelin e kërkuar të performancës.

“Para disa viteve kur është themeluar Universiteti i Ferizajt, nuk e kam përkrahë pa rezerva, për shkak të mungesës së kuadrove. Edhe sot mendoj se duhet një sistem i avancimit gradual me u bë në mënyrë që të përgaditen edhe kuadrat edhe kushtet tjera teknike për realizimin e gjithë atyre ambicieve që i ka ky universitet. Unë në librin tim përmendi që në Ferizaj nga një shkollë e lartë teknike po formohet një universitet që pretendon të bëhet modern. Mendoj që nuk është arritur kjo, por që ka qëllime të mira që të arrihet kjo”, tha Nebi Jashari.

Jashari thotë se brenda programeve duhet të bëhen disa reforma, pasiqë mungojnë disa lëndë që i kërkon tregu.

“Fakulteti i Makinerisë që ka qenë si shkollë e lartë teknike është shndërruar më tepër në një fakultet ekonomik se sa në një fakultet teknik. Kjo për arsye se ndoshta edhe tregu e kërkon, njerëzit janë joshur pas drejtimeve ekonomike, juridike e menaxhment për me ardhë deri tek një diplomë, në pamundësi të shkollimit të mirëfilltë. Mendoj që edhe në fakultetin e Inxhinierisë Mekanike është lënda që quhet edhe Informatikë, ka nevojë edhe aty që të bëhen reforma. Mendoj se aty duhet të futen lëndët siç janë konstruksioet metalike, konstruksionet e skeleve, siguria gjatë punëve në ndërtimtari, siguria gjatë saldimit. Në anën tjetër, mendoj që për inxhinieri është e nevojshme të futet energjetika, energjetika e ripërtritshme, duke marrur këtu energjinë solare, të ujit, biotermike, të cilat fatkeqësisht nuk janë futur si lëndë, edhepse tregu ka nevojë për të gjitha këto, e jo për një diplomë formale që e arrin një inxhinier” – u shpreh në fund Jashari

Universiteti i Shkencave të Aplikuara në Ferizaj, vitin e kaluar kishte pranuar 410 studentë në katër programe të studimeve. Sipas drejtuesve të këtij universiteti, me hapjen e programeve të reja planifikohet të pranohen rreth 900 studentë të ri gjatë vitit të ri akademik 2019/2020.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

7 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

2 weeks ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.