Connect with us

Ferizaj

Dëshmitarët mohojnë se kanë shqyrtuar peticione

Published

7 years ago

on

Bekim Idrizi, ishte dëshmitari i cili u mor në pyetje gjatë paraditës së sotme në seancën gjyqësore që po mbahet në Gjykatën e Ferizajt, në gjyqin ndaj ish-drejtorit të urbanzimit të Ferizajt, I cili akuzohet  se ka falsifikuar dokument zyrtar dhe ka keqpërdorur pozitën zyrtare gjatë miratimit të Planit Zhvillimor Komunal të Ferizajt.

Dëshmitari Idrizi, si anëtar i komisionit për hartimin e këtij plani dhe për shqyrtimin e ankesave, tha se ai në këtë komision ka qenë koordinator nga Drejtoria e Pronës , Kadastrit dhe Gjeodezisë për të dhënë kontributin e tij në këtë dokument të rëndësishëm komunal. Por përkundër që ishte koordinator, Idrizi disa herë u deklarua se nuk ka parë peticione të qytetarëve që kanë ardhur për PZHK-në dhe se nuk ka qenë shqyrtues i tyre, edhepse në raportin dhe procesverbalin e shqyrtimit të peticioneve gjendet edhe nënshkrimi i tij. “Peticionet veç çka kam ndëgju për peticione” –dësmoi Idrizi.

“A janë shqyrtu peticionet e qytetarëve në mbledhjen e komisionit?”, parashtroi  pyetje prokurori Cerkini.

 “Jo prokuror, ne kemi marrë pjesë për PZHK, dhe nuk po di çfarë peticione aty janë shqyrtu, kur ata kanë ligjëru zyrat e Urbanzimit unë nuk di” – u përgjigj Idrizi.

“A janë shqyrtu peticionet e qytetarëve kur ti ke qenë prezent?”- e precizoi pyetjen prokurori.

“Jo. ” – përsëriti edhe një herë Idrizi.

Idrizi deklaratën se nuk kanë shqyrtuar peticione të qytetarëve e përsëriti disa herë, duke thënë se nuk e di arsyeshmërine dhe bazën e miratimit të PZHK-së. Krejt në fund të seancës, pasi i akuzuari Grainca i lexoi atij procesverbalin e fundit të shqyrtimit të peticioneve, dëshmitari dha deklaratë kunderthënese, duke deklaruar se i kujtohet ky tekst.

“Më datën 09.08, ke marrë pjesë në një takim që është mbajt në zyrën time të komisionit, aty kemi shqyrtuar disa kërkesa dhe peticione dhe një përgjegjje e kemi thënë kësi soji: Komisoni është i mendimit se rruga “Astrit Bytyqi” pas lidhjes së saj me magjistralen Prishtinë -Shkup ka fituar në peshë ku mund të zhvillohet biznesi dhe rritet vlera e tokës, po ashtu një arsye tjetër është se në të njejtin kategorizim kemi paraparë edhe rrugët e kategorisë së njejtë sic është rruga “Rexhep Bislimi ” etj, po ashtu kam paraqitur edhe dy peticione. A të kujtohet kjo përgjegjje?” – pyeti i akuauzari Grainca.

“Po.”, – u pergjigj dëshmitari.

Dëshmitari Idrizi, tha se ai përmbledhjen e draftit të PZHK-së e ka nënshkruar i vetëm në një zyrë ku është thirrur nga menaxheri i projektit Skender Baftiu, dhe jo në mbledhje së bashku me anëtarët e tjerë.

“Takimet kanë qenë të rëndomta, kompania ka ligjëru me sllajde, kanë vazhdu disa javë, mirëpo sa i përket nënshkrimit të të gjitha këtyre i kam dhënë në zyrën projektuese jashtë mbledhjes“- tha dëshmitari.

Pas Idrizit, në pjesën e dytë të seancës, dëshminë e vazhduan dy anëtarë të tjerë të komisionit, Hazbije Murseli dhe Musa Ibishi, ngjashëm sikurse një numër i madh i dëshmitarëve të tjerë që dëshmuan më herët gjatë këtij procesi, thanë se ata asnjëherë nuk kanë shqyrtuar peticione të qytetarëve dhe se asnjëherë nuk kanë nënshkruar ndonjë procesverbal apo raport final të shqyrtimit të peticioneve por vetëm pjesëmarrjen, dhë këtë e përsëritën gjatë gjithë kohës, edhe përkundër që verifikuan nënshkrimet e tyre në këto raporte.

 “Veç pjesëmarrjen e kam nënshkruar, kurrë as peticion nuk kam parë, unë nuk kam nënshkruar, s’i kam pa vetëm pjesëmarrjen e kam nënshkruar“, deklaroi dëshmitarja Murseli.

“Në proces shkruan se janë rishqyrtuar peticionet, përvec pjesëmarrjes a ke nenshkru edhe në fletë kur e ke parë paraprakisht procesin e shënuar se cka ka rrjedh në atë mbledhje?” – pyeti i dëmtuari Bekim Haliti.

“Nuk më kujtohet që ka pasur proces, nuk më kujtohet që kam nënshkru proces“,- tha Murseli.

“A i keni shqyrtu një për një peticionet?”, – pyeti Bekim Haliti.

“Unë e ceka, peticion nuk kam shqyrtu se nuk është në domenin tim, kam qenë vetëm nga drejtoria e buqësisë për këtë lami kam qenë“,- u përgjigj Murseli.

“Në dy mbledhje që i keni mbajtë si komision apo si koordinatorë, që janë shqyrtu vetëm ankesat dhe peticionet?” – I dëmtuari i parashtroi pyetje dëshmitarit të radhës Musa Ibishi.

 “Në mbledhjen e fundit, nëse është fjala që u përmend në gusht, aty e kam qitë nënshkrimin si pjesëmarrës a nuk kemi shqyrtu peticion a diçka“- deklaroi dëshmitari Ibishi.

 Seanca e radhës gjyqësore ndaj ish-drejtorit të urbanizmit te Ferizajt u caktua për datë 24 qershor.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohen edhe dy persona pas sekuestrimit të 17.9 kg heroinë në Ferizaj

Published

19 hours ago

on

14 April, 2026

By

Një operacion i koordinuar ndërmjet Prokurorisë Speciale dhe Policisë së Kosovës – Task Forca “White Star”, i zhvilluar më 13 prill 2026 në Komunën e Ferizajt, ka rezultuar me arrestimin e dy personave të tjerë të dyshuar për trafikim të narkotikëve, duke e çuar në katër numrin total të të arrestuarve.

Në njoftimin e prokurorisë bëhet e ditur se të ndaluarit A.D., S.Sh., M.Sh. dhe M.B., dyshohen për kryerjen e veprave penale për pjesëmarrje ose organizim të grupit kriminal të organizuar, blerje, posedim, shpërndarje dhe shitje të paautorizuar të narkotikëve, si dhe shpëlarje parash.

“Sasia e substancës narkotike të llojit heroinë e sekuestruar gjatë operacionit, pas vlerësimit arrin në rreth 17 kilogramë e 900 gramë.

Me urdhër të gjykatës janë kryer kontrolle në katër lokacione të ndryshme, ku përveç substancës narkotike janë sekuestruar edhe prova të tjera relevante që do të përdoren në procedurën penale.

Me vendim të prokurorit, të dyshuarit janë ndaluar për 48 orë. Brenda këtij afati, Prokuroria Speciale do të paraqesë kërkesë për caktimin e masës së paraburgimit në Gjykatën Themelore në Prishtinë.

Nga hetimet e deritanishme është arritur të identifikohen personat dhe lokacionet ku ka operuar ky grup kriminal i organizuar me qëllim trafikimin e narkotikëve. Po ashtu, është lokalizuar edhe vendi ku mbahej substanca narkotike, e cila ishte përgatitur për transport”, thuhet në njoftim.

Lidhur me këtë rast, edhe dy persona të tjerë janë në kërkim policor, për çka Policia e Kosovës po vazhdon punën intensive për lokalizimin dhe arrestimin e tyre.

Continue Reading

Ferizaj

Vdes punëtori që ra nga kati i 6-të i një ndërtese në Ferizaj

Published

2 days ago

on

13 April, 2026

By

Një 59-vjeçar ka humbur jetën në Ferizaj pasi ka rënë nga kati i gjashtë i një objekti që po ndërtohej në të cilin viktima ishte si punëtor.

Rastin e ka konfirmuar zëdhënësi i policisë së Kosovës për rajonin e Ferizajt, Kanun Veseli, derisa bëri të ditur se vdekja e viktimës u konstatua në vendngjarje nga ekipi emergjent.

“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim.

Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.

Dyshohet se viktima është një mashkull 59 vjeç , i cili ka rënë nga kati i 6-të i objektit në ndërtim gjatë punimeve.

Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës,” ka njoftuar policia.

Brenda dy javëve të fundit ky është rasti i dytë i aksidentit me fatalitet që ndodh për shkak të rënies nga lartësia në objekte ndërtimi, pasi më 3 prill, në një rast të ngjashëm, humbi jetën një 44 vjeçar.  

Continue Reading

Ferizaj

Siguria juaj fillon me zgjedhjen e duhur të sigurimit

Published

7 days ago

on

08 April, 2026

By

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

•  Sigurim i shëndetit në udhëtim – për udhëtime të sigurta jashtë vendit

•   Sigurim shëndetësor – kujdes dhe mbrojtje për shëndetin tuaj

•   Sigurim i personave nga aksidentet – mbështetje financiare në rast të aksidenteve të papritura

•   Sigurim TPL & TPL+  – sigurim i detyrueshëm dhe i zgjeruar për automjete

•  Sigurim Kasko i automjeteve – mbrojtje e plotë për veturën tuaj

•  Sigurim i pronës, banesës dhe shtëpisë – siguri për pronën dhe familjen tuaj

•  Sigurim i ofertës (tenderit) – për kompani që marrin pjesë në tenderë

•   Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

  • * Artikull i sponsorizuar

Continue Reading

Trending