Ferizaj

“Kosova Modeli” e bën familjen Jaha me shtëpi të re

Published

7 years ago

01 June, 2019

Familja Jaha nga Dremjaku i Ferizajt, e cila jetonte në një shtëpi pothuajse gërmadhë dhe me kushte të rënda ekonomike, festën e sivjetme të Bajramit të Madh do ta presë në shtëpi të re.
Janë pronarët e kompanisë “Kosova Model”, ata të cilët i ndërtuan shtëpinë e re dhe komode kësaj familjeje, madje ishin kujtuar që të sjellnin edhe batanije e mbulesa gjumi. Drejtori i kompanisë, Milaim Sopaj, tha se kjo ndërmarrje ka vite që ndihmon familjet në nevojë. Këtë vit ishte kjo familje përfituese të cilës iu siguruan të gjitha kushtet e banimit.

“Kompania jonë “Kosova Model”, çdo vit e ndan një fond për bamirësi, njëra nga familjet është edhe familja e Ismet Jahës. Ne e kemi vizituar dhe kemi parë që është duke jetuar në kushte të mjerueshme edhe në mënyrë materiale por edhe shëndetësore janë të dëmtuar, dhe e kemi marr inciativën e kemi kry“, – tha Sopaj.

Ndërsa kryefamiljari i familjes Isa Jaha, tregon se shtëpia në të cilën banonin deri dje kishte afër 50 vite dhe ishte vështirë për tu jetuar në të, derisa thotë se asnjëherë nuk do të mund t’ua shpërblejë humanizmin që e treguan ndaj tij vëllezërit Sopaj.

“Jam i gëzuar por edhe i emocionuar, uroj që të shpërblehen këta bamirës, për me të mira nuk mundem t’ua kthej por me të kqija asnjëherë. Shtëpia ka qenë e vjetër, pluhur, mandej pike tani do të jemi shumë rehat“, tha Jaha.

Shtëpia e re ka një hapësirë prej 100 metrash katror, ndërsa është shtëpia e katërt humanitare e ndërtuar nga kompania vendore “Kosova Model”.

Ferizaj

Në Ferizaj raportohen katër bankënota të dyshuara nga 500 €

Published

5 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.