Ferizaj

Komuna mbyll sytë, ndërtuesi bën “dasëm”

Published

7 years ago

29 June, 2019

Gjersa policia me efikasitet po i gjobitë parkuesit ilegal në rrugën “Zenun Beqa”, kamionët, armatura dhe bllokat në afërsi, që e kanë zënë peng rrugën “Lidhja e Prizrenit” për më se një vit, janë bërë të padukshëm për organet komunale të Ferizajt. Banorët e kësaj ane ankohen se shpeshherë në mëngjes janë të detyruar të gjejnë dalje alternative nëpër rrugica me zhavor e me gropa të shumta, sepse gjersa inspektorati komunal mbyll sytë në pikë të ditës së punës, kompania ndërtimore, e cila thuhet se është e lidhur me pushtetin, “po bën dasëm”.

Përveç se banorëve po u bllokohet lëvizja gjatë tërë ditës, kamionat e rëndë poashtu ua kanë shkatërruar rrugën në tërësi.

“Mafia e betonit i ka shkatërruar komplet rrugët tu dashtë me i arritë objektivat e veta, me ndërtu ndërtesa e me u ba milionera. Kjo rrugë ka qenë komplet e asfaltuar, dhe tani është shkatërruar nga kamionat me mbipeshë, edhe krejt lloçin që e ngrehin nga punishtja e kanë pru në asfallt dhe ne jemi të detyruar me thithë këtë pluhur. Unë e kam lajmëruar disa herë policinë, pasi me ligjin e rrugës këta janë të detyruar me pagu dënim dhe me kthy rrugën në gjendjen e mëparëshme, mirëpo këta janë të lidhur me policinë dhe pushtetin, e kemi njerin që është duke i kryer këto punime është zëvendësministër dhe këshilltar i Kryetarit të Komunës së Ferizajt , do të thotë është një dhuratë e PDK-së që kanë arritë me shkatërru komplet dhe këta nuk iu nënshtrohen ligjit. Një qytetar i thjeshtë me ba me parku veturën për 2 minuta, policia del e i’a fut dënim 50-60 euro, kurse këta le që parkojnë kamiona e armaturë, por i kanë shkatërruar rrugët dhe në fund çka ndodhë? Vjen komuna e shtron asfalt dhe del pren shirita si arritje. Këta një herë shkatërrojnë, tani vijnë ia rregullojnë mafisë së betonit asfaltin që e kanë shkatërruar, dhe e shesin te qytetarët si arritje që e kemi shtruar. Unë jam për me punu por duhet me pas pak kritere. Këta e bllokojnë çdo ditë dhe nuk marrin leje, dhe kamionat që i qesin me lloç, kanë miliona me ndërtu ndërtesa e nuk i kanë 100-200 euro një kasher me i’a pastru rrotat para se me dal në rrugë”, – u shpreh i revoltuar banori i kësaj lagjeje, Dimal Basha.

Mërgimtari Demir Konjufca i cili ka ardhur për pushime në vendlindje, thotë se po të ndodhte në gjë e tillë ne vendet perëndimore, gjobat do të ishin marramendëse.

“Nuk është në rregull kjo, në shtetet e perëndimit e lajmrojnë më herët që është e bllokuar, unë dje kam pritë një orë për me kalu këtupari me veturë, – tha Konjufca.

Gjatë ditës së sotme, TV TEMA kontaktoi me kryeinspektorin Ridvan Berisha për të marrë një pronocim lidhur me këtë problem madhor për banorët e “Lagjes së re”, mirëpo i njejti na drejtoi tek inspektori komunal i komunikacionit, i cili sot nuk ishte i qasshëm në telefon. Nga pluhuri i verës dhe balta e vjeshtës që vie nga ky ndërtim, më së shumti po vuajnë fëmijët e kopshtit publiko-privat “Engjujt” , i cili gjendet përballë kësaj punishteje ndërtimore. Stafi i kopshtit të fëmijëve, prapa kamerës, bëri të ditur se fëmijët ende nuk e kanë shijuar as verën në oborrin e kopshtit, sepse qëndrimi jashtë nuk është i sigurtë e as i shëndetshëm për ta.

Ferizaj

Siguria juaj fillon me zgjedhjen e duhur të sigurimit

Published

1 hour ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

2 weeks ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.