Ferizaj

Mbahet në fshehtësi projekti i hekurudhës për Ferizaj

Published

6 years ago

05 July, 2019

Nisën punimet në rrugën Talinoc i Muhaxherëve – Bibaj, një projekt që kap vlerën prej 1 milion e 300 mijë eurosh. Ministri i Infrastruktures Pal Lekaj, tha se në Ferizaj është një lëvizje për të ndryshuar pozitivisht, duke konfirmuar edhe me tutje mbështetjen finnaciare që do tu behet investimeve në këtë komunë. Lekaj u shpreh se qeveria e Kosovës nuk heziton që ti mbështesë projektet që ndërlidhen edhe me zhvillimin e bizneseve private me kyçje në rrugën R6.

“Komuna e Ferizajt po e merr formën e një qendre ku do të jetë lëvizshmëria edhe e njerëzve edhe e transportuesve, shumë ma tepër sa sa që ka qenë. Prandaj ne jemi të vendosur që ti zhvillojmë këto projekte. Edhe sot është një dëshmi e jona që jemi të përkushtuar që Ferizajn ta shohim më ndryshe në të gjitha lëmitë, e sidomos me infrastrukturë” – tha ministri Lekaj.

Kreu i Ferizajt, Agim Aliu, ka falënderuar institucionet qendrore për mbështetjen që po i bëhet Ferizaj në implementimin e projekteve të ndryshme.

“Sot jemi në një projekt i cili ka një kosto mbi 1.3 milion euro që ka një segment rrugor 2 kilometra e 150 metra si dhe disa rrugë që përfshihen në kuadër të këtij aksi rrugor, që e ka gjatësinë gjithsej prej 4 kilometrave me kanalizim atmosferik dhe është me të gjitha parametrat e ndërtimit të një rruge” – tha kryetari Aliu.

I pyetur nga gazetarët se si do te duket hekurudha ne zonën e qytetit të Ferizajt pas investimeve që do të ndodhin viteve të ardhshme, ministri Lekaj nuk u përgjigj konkretisht, vetem se tha se hekurudha do te duket shumëfish më mirë se sa është tani.

“Sa i përket infrastrukturës hekurudhore do të duket shume shumë më mirë 100 mijë herë më mirë se sa kjo ekzistuese, ku do te kete elementet përcjellese, treni do te lëvizë me shpjtesi prej 120 km/orë, kështu që vetem në këtë segment ne do te investojmë 77 milion euro”, tha Lekaj.

Në prononcimin e tij për gazetarë, Ministri i Infrastrukturës paralajmëroi nisjem e investimeve të tjera të destinuara për komunën e Ferizajt.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.