Ferizaj

“Feniks” përuron edhe dy shtëpi humanitare

Published

7 years ago

22 July, 2019

Familja Haliti nga fshati Konjuh i Lipjanit dhe familja Hamdiu nga Ferizaj sot e patën një gëzim të madh. Shtëpitë e reja të ndërtuara nga marketi ”Eli-Ab” dhe shoqata humanitare ”Feniks”, i bënë të lumtura këto familje, të cilat deri sot jetonin në kushte jashtëzakonisht të vështira. Kryefamiljarët, duke i falenderuar nga zemra bëmirësit që i bënë me shtëpi të reja, tregojnë se në vatrat e vjetra e kanë pasur shumë të vështirë të bëjnë një jetë normale.

“Falenderoj Basrinë e Feniksin që kanë bërë një punë të madhe, falenderoj të gjithë që kanë kontribuar, në veçanti Basriun”, deklaroi Ismet Haliti
“Falenderoj të gjithë, uroj që të kenë të gjitha të mirat, kemi jetuar sic kemi mundur, por ja sot hymë në shtëpi”, tha Sabile Hamdiu.

Kryetari i shoqatës “Feniks”, Milaim Jashari, u shpreh se këtë gëzim, krahas dy familjeve përfituese, po e ndajnë së bashku edhe anëtarët e shoqatës “Feniks’ dhe vëllezërit Sopa.

“Sot i kemi dy gëzime, ku ka investu Basria me vëllezër me nga 12 mijë e 500 euro për cdo shtëpi, dhe me të vërtetë është bërë punë e madhe edhe është gëzim i dyfishtë edhe për ne edhe për Bastrinë. Do ti lëshojmë edhe dy shtëpi për Bajram ku do të investojë përsëri Basria me vëllezër, dhe me të vërtet është kënaqësi e madhe”, tha Jashari.

Deri sot, shoqata bemirëse “Feniks” e përkrahur nga donatorë të ndryshëm ka ndërtuar 246 shtëpi. Donatorë që duhet veçuar janë vëllezërit Sopa, të cilët për çdo vit ndajnë mjete për ndërtimin e 6 deri 7 shtëpive humanitare.

Ferizaj

Një burrë theret me kaçavidë nga dy persona në Ferizaj

Published

4 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.