Ferizaj

Ditët e Diasporës fillojnë më 26 korrik

Published

7 years ago

22 July, 2019

Ditët që do t’i kalojnë në vendlindje, mërgimtarët e Ferizajt, përveç aktiviteteve që mund t’i kenë planifikuar me familje, do të kenë mundësi të shijojnë edhe një sërë ngjarjesh kulturore që drejtoria e këtushme e kulturës i ka paraparë sivjet për të nderuar diasporën.
Sabri Pajaziti, nga drejtoria e cultures, tregoi se “Ditët e Diasporës” do të zhvillohen prej 26 korrikut deri më 2 gusht. Por këtë vit, në mungesë të qendrës së kulturës, aktivitetet kulturore do të organizohen vetëm në ambient të jashtëm, kryesisht tek sheshi i komunës.

“Siç e dini, kohët e fundit po kemi telashe ne munges të hapsirës për objeket kulturore dhe të gjitha aktivitetet do të realziohen ne sheshin e qytetit, kjo ndoshta në këtë periudhë nuk do të prish punë për shkak të verës, por që u dasht t’i plainfikojm ngjarjet kulturore që mund të organzohen në ambijnet të jashtme“, tha Pajaziti

Përgjegjësi i kultures në Ferizaj, Sabri Pajaziti, tregoi se listen e aktivitetve kulturore e kanë përpiluar kryesisht në bazë të kërkesave që mërgimtaret kanë pasur gjat viteve të kaluara.

“Do të ketë kryesisht aktivitete arëgtuese, është fjala për koncerte , aktivitete zbavitëse. Por që do të kete edhe aktivitete edukative – vedijësuese siq është edhe ekspoizta me eksponate në muzeun e qytetit, po ashtu do të ketë një aktivitete që do të organizohet nga drejtoria e bujqëisë, siq është panairi i produkteve ushqimore, pastaj do të ketë edhe më shumë aktivitete për fëmije, si dhe një aktivitete tradicional që bëhet për mërgimtarët në fshatin Mirosala në qendrën e këtij fshati”, tha Pajaziti.

Gjatë kësaj sezone të vizitës së mërgimtarëve, drejtoria e kulturës është e gatshme ti mirëpresë edhe aktivitetet eventuale që mërgimtarët mund t’i shfaqin për audiencën e këtushme.

Ferizaj

Një burrë theret me kaçavidë nga dy persona në Ferizaj

Published

4 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.