Ferizaj
VV dhe LDK në Ferizaj: Kryeministri është i yni
Për zgjedhjet e 6 Tetorit, subjektet më të mëdha opozitare, Lëvizja Vetëvendosje dhe Lidhja Demokratike e Kosovës, akoma nuk kanë arritur të ujdisen për çështjen e bajraktarit të qeverisë, meqë Vetëvendosje këmbëgul se është Albin Kurti ai që duhet të udhëheqë me qeverinë reformatore, ndërkaq LDK pretendon se është Vjosa Osmani ajo që duhet të ulet në karrigën e kryeministrit. Kryetari i LVV-së në Ferizaj, Valon Ramadani, thotë se LDK-ja është ngutur kur e ka nominuar Vjosa Osmanin si kandidate për kryeministre, përderisa në të njejtën kohë janë duke u bërë bisedime për një koalicion të mundshëm parazgjedhor.
“Një është e sigurt se nëse ky koalicion bëhet, do të të jetë një shumicë e deputetëve që mund të shkojë deri në 70 deputet dhe vendit tonë i duhet një qeveri që i duhet shumë numra dhe të krijohet stabilitet. Qytetarët janë të bindur se asnjë qeveri nuk ka arritur të bëjë ndryshimin dhe këtë mund ta bëjë LVV, me liderin e tij apo kryeministrin e ardhshëm Albin Kurtin. Ne jemi shumë idhëtar të asaj që të jemi bashkë në një listë me LDK-në, por edhe nëse nuk bëhet jam i bindur se ne do të dalim e para. LDK-ja ka dalur me një kandidat për kryeministër dhe mendoj se është ngutur me caktimin e kandidatit, derisa në të njejtën kohë je duke biseduar për një bashkëpunim të mundshëm. Vendit i duhet një qeveri që nuk ka qenë në pushtet deri tani, që ka guxim, ka dije dhe vendosmëri që duhet ta ndryshojë vendin në shumë sektorë, tash po i bje që këtë e arrin Albin Kurti. Mendimi im është që kryeministri i ardhshëm në krejt format duhet të jetë Albin Kurti.” – deklaroi Ramadani
Ndërkaq kryetari i degës së LDK-së në Ferizaj, Muharrem Svarqa, thotë se LDK- është më e fuqishme në nivel vendi, prandaj sipas tij i “takon” që këtij koalicioni t’i prijë Vjosa Osmani. Ai këtë konstatim e bazon duke u thirrur në disa sondazhe për të cilat nuk dha detaje se kur dhe nga kush ishin organizuar.
“Ne veçse e kemi nominuar kreyministren për shkak se jo vetëm që ka qenë kërkesë e sturkturave të LDK-së e simatizantëve, por ka qenë edhe një plebeshit qytetarë që të kandidohet kësaj radhe për kryeministre ashtu sic është nominuar z. Vjosa Osmani, dhe besoj që do të ishte një lojë jonormale që ne të bëjmë ndonjë kalkulim tjetër dhe është normale që LDK-ja ta ketë kryeministrin për shkak se edhe në nivel të Kosovës e ka fuqinë më të lartë politike dhe në përfaqësim në Kuvend me numër të deputetëve por edhe në të gjitha matjet që po bëhen në nivel të Kosovës, LDK-ja po prin në të gjitha sondazhet edhe ato ndërkombëtare dhe të mbrendshme, dhe ky opinion nuk ka arsye që të zhgënjehet, dhe konform sa,j ne e kemi marr vendimin në kryesi që të dëgjojmë zërin e qytetarëve, qytetarët e kanë kërkuar Vjosën. Ne ua kemi krijuar mundësinë që ta votojnë, dhe unë jam i sigurtë që Vjosa Osmani do të jetë kreyministre pas datës 6 tetor“- tha Svarqa
Në zgjedhjet e fundit qëndrore që u mbajtën në Kosovë gjatë vitit 2017, subjekti më i madh opozitar doli të ishte Lëvizja Vetëvendosje me 32 deputetë, ndërkaq koalicioni i prirë nga LDK pat dalë si subjekt i tretë duke fituar vetëm 29 vende në kuadër të legjislaturës së 6-të të Parlamentit të Kosovës. Përndryshe në sondazhet e djeshme online të portaleve si Gazetaexpress, T7, Infokusi dhe Dukagjini, për vizitorët e këtyre sajteve, kandidati bindshëm më i kërkuar për kryeministër ishtë Albin Kurti, i cili printe me 10 deri në 30% para kandidates së LDK-së, Vjosa Osmani.
-
Ferizaj1 day agoLëndohen tre policë gjatë arrestimit të sulmuesit 16 vjeç në Ferizaj
-
Ferizaj1 day agoArrestohet i dyshuari për plagosjen e dy personave me thikë në Ferizaj
-
Kosovë1 week agoKatër të plagosur pas të shtënave në Podujevë
-
Ferizaj1 week agoGjatë qershorit në Ferizaj janë konfiskuar 74 motoçikleta
-
Kosovë5 days agoKosova sekuestron asete në vlerë prej 1 milion eurosh të një rrjeti të trafikimit të drogës
-
Ferizaj2 days agoArrestohet një i mitur në Ferizaj, i dyshuar për kanosje dhe armëmbajtje pa leje
-
Ferizaj1 day agoHapet rast penal ndaj 32 vjeçarit në Ferizaj për armëmbajtje pa leje
-
Ferizaj2 days agoShkaku i asfaltimit bllokohet qarkullimi në rrugën Brezovicë – Prevallë
-
Kosovë2 days agoRaportohen 56 aksidente trafiku në 24 orët e fundit
-
Kosovë2 days agoHamza pranon të takohet me Kurtin, Gjini e refuzon ftesën
-
Ferizaj1 day agoArratiset i dyshuari për plagosje me thikë të dy personave në Ferizaj
-
Ferizaj2 days agoSiguria juaj fillon me zgjedhjen e duhur të sigurimit
-
Botë7 hours agoSrebrenica përkujton viktimat në 31-vjetorin e gjenocidit