Ferizaj

OJQ-të gjejnë shkelje në tenderin për sallën e edukatës fizike

Published

7 years ago

23 September, 2019

Mbi 17 mijë euro më shumë i ka kushtuar buxhetit të Komunës së Ferizajt, ndërtimi i sallës së edukatës fizike në fshatin Gaçkë të Ferizajt.

Organizata Iniciativa për Progres së bashku me organizata tjera joqeveritare të rajonit të Ferizajt, gjatë monitorimit të aktivitetit të prokurimit për fazën e dytë të ndërtimit të kësaj salle, ka gjetur se në njoftimin për kontratë vlera e parashikuar e kontratës ka qenë 100 mijë euro, ndërkaq çmimi i ofertës fituese 117 mijë e 209.95 euro.

Arbenita Topalli, e cila ka qenë pjesë e grupit monitorues të këtij aktiviteti, tha se përveç tejkalimit të vlerës së kontratës, ky tender është përcjellur edhe me shumë shkelje të tjera. Ajo tha se dy ditë para se të publikohet oferta fituese, komuna këtë tender e kishte zgjatur edhe për 30 ditë të tjera duke bërë kështu që ofertat më të lirë të humbasin validitetin, për të lidhur më pas kontratë me ofertën mbi 32 mijë euro më të shtrenjtë.

“Në muajin gusht të vitit 2018, komuna e Ferizajt ka lidhur kontratë për ndërtimin e sallës së edukatës fizike në fshatin Gaçkë të Ferizajt me konsercium “G&A Counsulting”, dhe “Pro&Co Group”, në vlerë prej 117.209.95 euro përmes procedurës së hapur. Sipas planit përfundimtar të prokurimit, vlera e parashikuar ka qenë 40 mijë e cila ishte në shpërputhje me planifikimin e buxhetit ku për të njëjtin projekt janë aprovuar 90 mijë euro. Tutje në njoftimin për kontratë vlera e parashikuar e kontratës ka qenë 100 mijë euro, kurse çmimi i ofertës ka qenë mbi 117 mijë euro dhe kemi diferencë prej 17 mijë euro duke e vlerësuar kontratën më të shtrenjtë se planifikimi që është bërë“,tha Topalli.

Topalli, theksoi se për ndërtimin e kësaj salle komuna nuk kishte specifikuar çmimin e armaturës, duke i’a lënë në duar firmës e cila ka ofuar një çmim më të lartë se ai i tregut.

“Komuna nuk e kishte saktësuar profilin e nevojshëm të armaturës, ashtu siç kërkohej me rregullat e prokurimit dhe ndërtimit për këtë pozicion dhe kështu operatori fitues ka ofruar çmimin prej 0.69 euro, respektivisht për pozicionin total 10 mijë e 336.20 euro. Mirëpo raporti tregon se në vitet e fundit çmimi i armaturës asnjëherë nuk ka qenë 0.69 cent për kilogram, rrjedhimisht komuna ka kontraktuar punë që në pozicione të caktuara çmimet janë më të larta se çmimet e tregut“, tha Topalli.

Për këtë aktivitet të prokurimit, INPO ka dhënë edhe rekomandime.

“Rekomandojmë që kryetari i komunës dhe udhëheqësi i prokurimit të sigurohen që vlera e parashikuar e projekteve në buxhetin e komunës të jetë e njëjtë edhe në planin e prokurimit. Po ashtu, meqë vonesat në vlerësim të ofertave kanë rezultuar me tërheqje të kompanive më të lira, rrjedhimisht kryetari i komunës duhet të kërkoj llogari nga anëtarët e komisionit për vonesat në vlerësim”, tha Qëndrim Hoxha, monitorues në INPO.

Ndër të tjera, Grupi Monitorues tha se për këtë kontratë kanë gjetur se komuna nuk ka plan menaxhues, gjë e cila është obligative, po ashtu, sipas kontratës punimet do të duhej të ishin në përfundim e sipër, por ata thonë se gjendja në terren tregon se projekti ende është në fazë të hershme të realizimit.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

20 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar