Sport

Në kuadër të Javës Evropiane të Sportit mbahen garat në Ping-Pong

Published

7 years ago

24 September, 2019

Në kuadër të aktiviteteve të “Javës Evropiane të Sportit” që po mbahet këto ditë në Kosovë, në Pallatin e Rinisë dhe të Sporteve në Prishtinë, janë mbajtur garat në ping-pong. Duke folur per rendesine e kesaj ngjarje sportive, kryetari i Federates se Ping-Pongut te Kosoves, Nehat Çitaku e cilësoi te rëndësishme pjesëmarrjen e ping-pongistëve ne “Javen Evropiane te Sportit” meqe sipas tij, sporti na bën të ndihemi evropianë.

“Kosova përmes sportit tregon që fizikisht është në Evropë pavarësisht qe ende nuk jemi pjese e saj mirepo me aktivitete te tilla shprehim edhe njehere e deshmojmë se edhe ne jemi pandaresisht pjese e Evropes kur do te jemi pjese e saj edhe zyrtarisht“, u shpreh Nehat Çitaku, Kryetar i Federatës së Ping-Pongut të Kosovës.

Kastriot Orana, pergjegjes per marrëdhenie me jashte i Federates së Ping-Pongut te Kosoves, tha se kjo Federate ka marredhenie te mira me simotrat e veta nëpër botë.

“Federate a e ping-pongut eshte federata e pare e pranuar nderkombetarisht qysh nga viti 2003, keshtu qe nga pranimi i federates sone ne arenen nderkombetare FPPK ka qene aktivisht pjesemarrese neper garat evropiane dhe boterore keshtu qe neve kemi marrëdhenie ITTF, si dhe me EUTT e cila eshte Unioni Evropian i Ping-Pongut, po ashtu qendrojme shume mirë edhe ne MTTU e cila eshte unioni mesdhetar dhe unioni ballkanik ku ne unionin mesdhetar e kemi edhe kryetarin e federates sone z. Nehat Çitaku ku eshte nenkryetar i unionit mesdhetar“, tha ai.

Lojtarë nga klubet e pingpongut, qytetarë e përfaqësues nga Shoqata e Shurdhmemeceve te Kosoves, u shprehën të kënaqur me kete aktivitet sportiv, pasiqë sipas tyre, sporti jep energji pozitive.

“Jam e kenaqur me pjesemarrjen dhe ftesen qe me bene klubi per çdo lloj aktiviteti perfshire edhe aktivitetin e BeAktiv per qka jemi ketu sot“, theksoi Samire Jupolli, perfaqesuese e Shoqates se Shurdhmemeceve te Kosoves.

“Si qytetare po mendoj qe eshte shume e rendesishme edhe per krejt qytetaret e Kosoves qe te merren sa më shume me sport, sa më shume me aktivitete , shoh nje fryme e re qe eshte duke ardhë ne shoqerine tone per me u marre me sa ma shume me sport edhe po medoj qe sa ma shume mundesi me pas qe per me me qene te perfshire ne çfaredo lloj aktiviteti sportiv, jo vetem per shendetin, poe edhe per mireqenien dhe per nje energji pozitive ne shoqerine tone”, tha Gresa Statovci, qytetare.

Në fund të garës, Ministria e Kulturës, e Rinisë dhe e Sportit të Kosovës, ndau nga nje mirënjohje per pjesemarresit më aktiv në këtë aktivitet.

Kosovë

Foda publikon listën e futbollistëve të ftuar për ndeshjet e Ligës së Kombeve

Published

7 days ago

18 September, 2026

Redaksia

Përzgjedhësi i Kombëtares së Kosovës, Franco Foda, ka publikuar listën e futbollistëve të ftuar për ndeshjet e radhës në kuadër të Ligës së Kombeve.

Në listë janë portierët Arijanet Muriq, Amir Shaipi dhe Visar Bekaj. Për repartin e mbrojtjes janë ftuar Albian Hajdari, Mërgim Vojvoda, Lumbardh Dellova, Ilir Krasniqi, Ron Raçi, Leard Sadriu e Dion Gallapeni.

Kurse në mesfushë janë ftuar Ermal Krasniqi, Leon Avdullahu, Baton Zabërgja, Veldin Hoxha, Vesel Demaku, Lindon Emërllahu, Donat Rrudhani, Muharrem Jashari, Valmir Matoshi, Milot Rashica dhe Edon Zhegrova.

Sulmit do t’i prijnë Vedat Muriqi, Fisnik Asllani e Albion Rrahmani.

Në këtë edicion të ri të ligës, mungojnë kapiteni i deritashëm Amir Rrahmani, i cili ka vendosur të largohet nga ekipi shkaku i pakënaqësive me FFK-në dhe Florent Hadërgjonaj, i cili u largua shkaku i pakënaqësive me shtabin teknik. Gjithashtu tash e tutje fanellën e Kosovës nuk do ta veshin as Valon Berisha dhe Fidan Aliti të cilët deklaruan se kanë përfunduar karrierën tek “Dardanët”.

Për shkak të lëndimeve mungojnë Elvis Rexhbeçaj, Florent Muslija dhe Kreshnik Hajrizi.

Ekipit i është bashkuar talenti i madh 17 vjeçar i Bayernit, Erblin Osmani, mesfushori Dion Kaçuri që luan tek Austria Lustenau dhe Milot Avdyli, 24 vjeç, i cili luan për Celjen në Slloveni. Më 24 shtator, Kosova pret në Prishtinë Irlandën, më 27 shtator i shkon Austrisë, më 1 tetor luan me Izraelin në Hungari ndërsa më 4 tetor Dardanët presin Austrinë në “Fadil Vokrri”.

Lajme

Donjeta Sadiku, e artë në Lojërat Mesdhetare

Published

4 weeks ago

27 August, 2026

Redaksia

Boksierja nga Kosova, Donjeta Sadiku, ka fituar medaljen e artë në Lojërat Mesdhetare “Taranto 2026”, pasi në finale mposhti garuesen e Serbisë, Kristina Kuluhova.

Kuluhova, ruse që përfaqëson Serbinë, u lëndua dhe meçi i finales në kategorinë deri në 60 kilogramë, u ndërpre në rundin e dytë.

Kjo është medalja e parë e Kosovës në Lojërat Mesdhetare, që këtë vit mbahen në Itali.

Ekipi i Kosovës në këto lojëra përbëhet nga 163 sportistë, 87 meshkuj dhe 76 femra që garojnë në 21 sporte të ndryshme.

Kosova do të jetë mikpritëse e lojërave të ardhshme mesdhetare që do të mbahen më 2030.

| Radio Evropa e Lirë

Ferizaj

Ferizaj kualifikohet në finale të Kupës së Kosovës në futboll

Published

5 months ago

22 April, 2026

Redaksia

Futbollistët e Ferizajt u kualifikuan për në finalen e Kupës së Kosovës në futboll, pasi në gjysmëfinale eliminuan ekipin e Llapit me rezultat të përgjithshëm 2:1.

Ndeshja e kthimit, e zhvilluar sot në stadiumin e qytetit të Ferizajt, përfundoi pa gola 0-0, por falë fitores prej 2-1 si mysafir në ndeshjen e parë, ferizajasit siguruan vendin në finalen e madhe ku do të përballen me Dukagjinin, i cili në gjysmëfinalen tjetër, eliminoi Ballkanin me rezultat të përgjithshëm 6:2.

Takimi i sotëm në Ferizaj u ndërpre për disa minuta pas hedhjes të gjësendeve në fushë nga shikuesit, për të vazhduar vetëm pas largimit të tërësishëm të shikuesve nga tribunat.

Kjo do të jetë finalja e tretë për ferizajasit, pas asaj të edicionit 2011/2012 kur humbi nga Trepça ’89 dhe finales së edicionit 2012/2013 të cilën e humbi nga Prishtina.