Ferizaj

Vendosjen e posterëve para nisjes së fushatës, KKZ e quan parapërgatitje

Published

7 years ago

26 September, 2019

Subjektet politike janë kujdesur mjaft mirë që fotografitë e kandidatëve për kryeministër dhe atyre për deputetë, t’i vendosin në vendet më të frekuentuara të Ferizajt.

Kështu, ende pa hyrë zyrtarisht në fushatë zgjedhore, qytetarët kanë parë duke u vendosur posterë gjithandej qytetit, mirëpo për këtë në Komisonin Komunal Zgjedhor në Ferizaj, thonë se aktivistët e partive kanë qenë duke i bërë përgatitjet për vendosje. Kryetari i këtij komisioni Shaban Rexha, tha se fushata ka nisur mbarë, megjithëse problem për subjektet politike ka paraqitur zënia e vendeve më të frekuentura për t’i vënë posterët.

“Nuk kemi pasur informata zyrtare të paktën, por ato parapërgatitjet që janë bërë para se me u bë ora 00:00 ka mundur të bie ndesh me fushatën zgjedhore, mirëpo shpalosja e atyre posterëve është bërë saktë në orën 24:00. Problemi kryesor është mungesa e vendeve publike ku do t’i vendosin posterat e tyre apo sloganet, komuna e Ferizajt i ka disa vende publike, mirëpo nuk ka për të gjithë dhe aty është gara pasi secili pretendon të jetë i pari”, tha Rexha.

Rexha, tha se subjektet politike e kanë nënshkuruar kodin e mirësjelljes dhe pret që ta respektojnë atë, në të kundërtën do të pasojnë gjobat.

“Mekanizmi kryesor është ankesa e cila mund të bëhet në Panelin Zgjedhor për Ankesa dhe Parashtresa që është organ, të themi gjykatë e zgjedhjeve, është organ i përhershëm i cili vepron që nga dita e shpalljes së zgjedhjeve dhe të gjitha përgatitjet e zgjedhjeve i përcjell, të gjitha ankesat që bëhen të subjekteve politike nga certifikimi dhe nga kandidimi, nominimit, fushatës zgjedhore deri në shpalljen e rezultateve përfundimtare. Aty është organi ku mund të drejtohen subjektet politike, organizatat, shoqëria civile, mediat, të gjithë ata të cilët janë të kyqur në zgjedhje apo edhe monitorojnë për zgjedhjet, të gjitha mund t’i drejtohen Panelit Zgjedhor për Ankesa dhe Parashtresa i cili merr vendim brenda 72 orëve në lidhje me rastin në fjalë“, tha Rexha.

Ndryshe, numri i votuesve në Komunën e Ferizajt për zgjedhjet e parakohshme parlamentare që do të mbahen më 6 tetor, është mbi 112 mijë ku 3500 janë votues të rinj.

Ferizaj

Bëhet i ditur identiteti i viktimave të aksidentit tragjik në Gjermani

Published

13 hours ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

19 hours ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

3 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.