Ferizaj

Zgjedhet ”Miss Lopa 2019” në Ferizaj

Published

7 years ago

09 October, 2019

Në hapësirat e tregut të kafshëve në Ferizaj, për herë të parë është mbajtur Panairi i Gjedhëve organizuar nga grupi lokal i veprimit “Bifurkacioni” në bashkëpunim me ”Iniciative for Kosova Community” dhe komunën e Ferizajt, i cili synohet të bëhet tradicional.

Me këtë rast, Drejtori i Bujqësisë Burim Bajrami, tha se përmes këtij panairi synojnë që të stimulojnë fermerët për të kultivuar raca të pastërta dhe produktive të gjedhëve.

“Është panairi i parë që organizohet në komunën e Ferizajt, bëhet në bashkëpunim me grupin lokal të veprimit dhe me OJQ-në IKC, është hera e parë, ka shumë pjesëmarrje të kënaqshme të fermerëve, po synojmë që sado pak ata të cilët kultivojnë racë të pastër dhe të mirë t’i shpërblejmë, vendi i parë, i dytë , i tretë, i katërt dhe i pestë kanë shpërblime dhe me këtë po synojmë që edhe fermerët tjerë të cilët nuk kanë raca të mira, të pastërta t’i stimulojmë përmes shpërblimeve që t’i kultivojnë racat e pastërta dhe produktive brenda komunës sonë”, tha drejtori Bajrami.

Ndërkaq, Hysni Thaçi, Drejtor i Departamentit për shërbime këshillimore në Ministrinë e Bujqësisë, Pylltarisë dhe Zhvillimit Rural, hapjen e këtij panairi e cilësoi si ditë të shënuar për komunën, duke thënë se kjo ministri me kapacitetet që ka do të ndihmojë sektorët e bujqësisë.

“Ne do të vazhdojmë t’i përkrahim edhe më tutje, e dimë që asnjëherë nuk është mjaft për bujqit dhe për bujqësinë në përgjithësi ajo që jepet apo ajo që ndahet nga Ministria, por kjo po varet prej mundësive buxhetore, sepse ne e dimë që bujqësia me sektorët e saj, pra edhe blegtoria në këtë rast d.m.th është një degë e nevojshme për zhvillimin ekonomik të vendit, sepse përgjithësisht kemi vështirësi në zhvillimin ekonomik, prandaj bujqësia krijon mundësi edhe të nxjerrjes së produkteve të ndryshme qoftë nga veprimtaria bimore, qoftë nga veprimtaria blegtorale, qoftë nga përpunimi, qoftë nga aspektet tjera, prandaj mendojmë që në të ardhmen duhet të rritet ky buxhet dhe duhet të jemi më tepër në shërbim të qytetarëve, gjegjësisht të fermerëve dhe viseve rurale, gjegjësisht atyre që merren me këtë veprimtari“, tha ai.

E fermeri, gjedhi i të cilit u shpall si më i miri në këtë panair, tha se ndjehet i inkurajuar për t’u marrë më tutje me këtë veprimtari.

“Më jep kurajo me punu akoma më shumë, me shtu numrin e gjedhëve, të gjithë le të merren më këtë punë edhe pse është punë e rëndë, por e kënaqshme u shpreh fermeri Isuf Sejdiu.

Në këtë panair u përzgjodhën 5 gjedhët më të mirë, ku vendi i parë u shpërblye me një makinë mjelëse, një bidon dhe 200 euro vlerë monetare, për vendin e dytë po ashtu u nda një makinë mjelëse dhe 150 euro, vendi i tretë u shpërblye me një makinë mjelëse dhe 100 euro, si dhe vendi i katërt dhe i pestë u shpërblyen me nga 100 euro vlerë monetare.

Krejt në fund, u zgjodh edhe lopa më e bukur, e cila deri në panairin e radhës do ta mbaj kurorën e lopës më të bukur në komunën e Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar