Connect with us

Ferizaj

Nis Festivali i Teatrove në Ferizaj

Published

on

Në teatrin “Adriana” të Ferizajt, mbrëmë është hapur edicioni i 49 i Festivalit të Teatrove. Këtë festival e hapi trupa teatrale e Gjakovës me  shfaqjen  “Shumë zhurmë për asgjë” të regjisores Zana Hoxha, e cila me këtë rast tha se ndjehet e lumtur që festivalin e 49  po e hap kjo shfaqje, tekstin e së cilës, siç tha ajo, e ka përzgjedh për arsye personale.

Jam shumë e lumtur që kthehem në këtë festival pas shum vitesh me këtë shfaqje që pati premierën javën e kaluar ne teatrin e Gjakovës, është siç e patë një nga veprat e Uilliam Shekspirit, një sfidë shumë e madhe, mirëpo jam e lumtur që sonte erdhëm dhe  patëm mundësi që para publikut ferizajas të hapim festivalin dhe të sjellim reprizën e tretë të kësaj shfaqje, natyrisht duke iu adoptuar kësaj skene e cila është shumë më e vogël sesa ajo e Gjakovës, mirëpo pashë emocione shumë të mira që na dhuruan publiku dhe një punë e cila u pa edhe sonte  që është një punë e mirë, stabile dhe jam e lumtur që sonte jam këtu për të hapur edicionin e 49 të këtij festivali”, tha regjisorja Hoxha.

E, në anën tjetër, regjisori Besim Ugzmajli duke e vlerësuar lartë hapjen e këtij festivali, tha se Ferizaj po i ruan traditat e këtij festivali.

“Mendoj që është një hapje shumë e mirë e festivalit me një shfaqje të qytetit të Gjakovës, qyteti i Gjakovës sjelli një ekip kryesisht me emra të rinj të cilët kanë vazhduar traditën e teatrit të mirë të Gjakovës, me një tekst që është shumë i njohur, mirëpo i sjellë me shumë invencë prej regjisores Zana Hoxha dhe mendoj që është një hapje shumë e mirë dhe na la një shije shumë të mirë shfaqja në përgjithësi. Pak a shumë Festivali i Ferizajt e ruan traditën e tij, përpiqet t’i sjellë produksionet më të mira të teatrit mbarë-shqiptar në të gjitha trojet shqiptare edhe në këtë edicion mendoj që ka pru prej produksioneve më të mira që kanë ndodhë këtë vit në Maqedoni, Shqipëri, Kosovë edhe mendoj që brenda konturave të cilat është zhvillu ky festival edhe këtë vit dhe normalisht po shkon drejt vitit të tij të 50, ku shpresojmë që viti jubile i 50 do të jetë edhe më mirë se këtë vit”, u shpreh Ugzmajli.

Sonte, në natën e dytë të festivalit, do të jepet shfaqja “Një letër e humbur” nga teatri i Tetovës, me tekst të Jon Luka Karaxhale dhe me regji të Kushtrim Bekteshit.

Continue Reading
Click to comment

Leave a Reply

Your email address will not be published. Required fields are marked *

Ferizaj

Kërcënohet me jetë Kenan Gashi, drejtor ekzekutiv i  “AVONET”

Published

on

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt,  por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.

Continue Reading

Ferizaj

Policia në kërkim të dyshuarit të dytë për plagosjen me armë zjarri mbrëmë në Ferizaj

Published

on

Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.

Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.

 “Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.

Continue Reading

Ferizaj

Arrestohet një ish zyrtar i gjendjes civile në Ferizaj

Published

on

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019,   si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Continue Reading

Trending