Ferizaj

Në natën e dytë të Festivalit të Teatrove jepet shfaqja”Një letër e humbur”

Published

7 years ago

23 October, 2019

Nata e dytë e Festivalit të 49 të Teatrove i cili po mbahet në teatrin “Adriana” të Ferizajt, ka vazhduar me paraqitjen e teatrit të Tetovës me shfaqjen “Një letër e humbur”, e regjisorit Kushtrim Bekteshi. Duke e komentuar këtë shfaqje, regjisori Ben Apolloni, tha se ajo paraqet mentalitetin ballkanik.

“Kjo paraqet mentalitetin ballkanik, korrupsionin, që është bërë diçka që po na shkatërron neve si qytetarë, nepotizmin, dallaveret që bëhen në skenën politike d.m.th. që është një skenë politike më e egër sesa skena e tragjedisë ”Makbeth” herë pas here”, tha regjisori Ben Apolloni.

Ai më tej shtoi se në këtë shfaqje ra në sy koordinimi ekipor i tetrit të Tetovës, duke theksuar se kur trajtohen tema politike në shfaqje, rritet kurreshtja e audiencës.

“Ishte një shfaqje që ra në sy loja ekipore, ansambli i teatrit të Tetovës që mu duk që funksionoi goxha mirë, kjo ishte, e për elemente tjera mund t’i diskutojmë, kisha përshtypjen pak që skenografia ishte ajo që sikur e pengonte lojën, zhvillimin e mizanskenës më shprehëse, por gjithsesi ishte një shfaqje që vinte mirë dhe ajo çka po e shoh se kur po trajtohen tema politike edhe audienca po është më kurreshtare, sepse politika është gjithkah në Ballkan, sepse ishte një vepër e një autori ballkanas, gjithandej është e njëjta dhe e gjetëm vetën edhe ne brenda kësaj shfaqje“, u shpreh Apolloni.

Nata e tretë e Festivalit do të vazhdojë me paraqitjen e teatrit “Migjeni” të Shkodrës me shfaqjen “Yona e pritjes” të Marina Vujçiç dhe me regji të Fatos Berishës.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

6 days ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

2 weeks ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.