Ferizaj

Të dielën mbahen garat në automobilizëm në Ferizaj

Published

6 years ago

23 October, 2019

Qarkullimi i zakonshëm në këtë rrugë nuk do të jetë i mundur këtë të dielë. Mirëpo, një gjë e tillë nuk do të ndalohet edhe për adhuruesit e garave me vetura, meqë autoklubi i Ferizajt do të organizoj garën e fundit për këtë vit ku pjesë e saj mund të jenë të gjithë qytetarët pa marrë parasysh moshën e gjininën, me të vetmin kriter posedimin e patentë shoferit.

Shkëmb Isufi nga ky klub, tha se për këto gara interesim kanë shprehur edhe femrat.

“Ne i kemi garuesit tanë të klubeve, përveç kësaj kanë të drejtë me ardhë të gjithë ata që kanë pasion për garim, duhet të vijnë me vetura të veta, çfarëdo lloj veture pastaj ne e ndajmë kategorizimin, është me çmime, ”Euro Goma” ka dhënë 4 palë goma për dimër dhe secila kategori do të ketë një shpërblim, nuk është i caktuar numri, deri tani kanë aplikuar afër 50 aplikantë, kanë apliku vajza e gra, i kemi njoftuar të gjithë Policinë, Komunën, Zjarrfikësit“, tha Isufi.

Isufi tregoi edhe për problemet që po u paraqiten gjatë organizimit të kësaj gare.

“Është një sport i shtrenjtë, nuk kemi ndihmë nga institucionet, por përveç kësaj këtë vit na kanë ngarkuar edhe me pagesën e autoambulancës nga spitali ku duhet të paguhet 25 euro ora, e për neve sado e vogël që është, është ngarkesë për ne, pasi ne të gjitha i bëjmë me mjete vetanake, kemi kërkuar edhe nga FSK-ja por ende nuk kemi përgjigje, përndryshe s’kemi çka të bëjmë do ta paguajmë“, tha Isufi.

Gara me vetura do të zhvillohet në rrugën ”Brahim Ademi”, duke filluar nga ora 10:00.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.