Ferizaj

Promovohet vepra “Shekspiri dhe Kanuni i Lekë Dukagjinit” nga Bekim Lumi

Published

7 years ago

24 October, 2019

Në kuadër të Festivalit të Teatrove që po mbahet këto ditë në Ferizaj, është promovuar vepra studimore e regjisorit tashmë të ndjerë Bekim Lumit, me titull “Shekspiri dhe Kanuni i Lekë Dukagjinit”. Me këtë rast profesoresha Qibrije Demiri, tha se vepra “Shekspiri dhe Kanuni i Lekë Dukagjinit”, është një studim krahasues në mes veprës “Makbethi” të Shekspirit dhe normave kanunore të Kanunit të Lekë Dukagjinit.

“Realisht kemi krahasime, por krahasimet këtu thuajse janë të pamundura, kjo është një vepër shkencore hulumtuese, në kuptimin e veprës artistike të tragjedisë ”Makbethi” edhe në kuptimin e një vepre gojore që është ”Kanuni i Lekë Dukagjinit”. Bekimi qysh në fillim dëshiron të na shtyjë, para se të na shtyjë në botën e përgjakët të ”Makbethit” na njofton se për ta shkruar Shekspiri këtë libër, ngjarja e librit është e shekullit XI, ky shkruan në fillim të shekullit XVII, Shekspiri d.m.th është përfaqësues i humanizmit të periudhës së humanizmit dhe renesancës në Evropë, kurse Bekimi e shkruan tek viteve të fundit, d.m.th është një gërshetim i kohëve, Kanuni mendohet së është nga Ilirët por është funksionalizuar nga Lekë Dukagjini d.m.th në kohën e Mesjetës, në kohën e Skënderbeut kur edhe kemi edhe Kanunin e Skënderbeut me pak ndryshime nga Kanuni i Lekë Dukagjinit, kështu që është një gërshetim, është një rrjet kohësh që realisht i mundësojnë një rrjetë perspektivash të shikimit të këtyre dy veprave të Bekim Lumit“, tha mes tjerash Demiri.

E, dramaturgu Arian Krasniqi, tha se Bekim Lumi jetën e pranoi si teatër, ndërsa teatrin si jetë deri në frymën e fundit të tij.

“Për Lumin kuptimi përmbajtësor i lojës në jetë dhe i lojës në teatër është i njëjtë ndryshon vetëm forma, Lumi jetën e pranoi si teatër dhe teatrin si jetë deri në frymën e tij të fundit si lojëtar i perfeksionuar dhe artist i pakrahasueshëm i teatrit të kohës sonë, loja e Lumit si në jetë ashtu edhe në teatër ishte e veçantë, i pandikuar nga askush dhe plotësisht origjinal, ai i tillë është edhe në këtë libër. Lumi nuk qe kopje e askujt as ne jetë, as në teatër, jetes ia fali energjinë, kokëfortësinë, bindjen e pathyeshme, guximin, besnikërinë, miqësinë, dashurinë, respektin dhe përkushtimin dhe gjithçka tjetër që e bënte atë të dallohej nga te tjerët, teatrit tonë ia fali dijen, kreativitetin, invensionin, estetikën dhe lodhjen e bukur filigraneske skenike“, u shpreh dramaturgu Krasniqi.

Ish-regjisori dhe profesori i Fakultetit të Arteve në Prishtinë, Bekim Lumi, vdiq vitin e kaluar duke lënë pas dhjetra shfaqje të realizuara.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.