Ferizaj

Shfaqja ”UN INSPEKTORI” prezantohet para publikut ferizajas

Published

7 years ago

25 October, 2019

Trupa teatrale e Ferizajt ka performuar mbrëmë para audiencës ferizajase në kuadër të Festivalit të Teatrove me shfaqjen “UN INSPEKTORI” nën regjinë e Erson Zymberit. Regjisori Zymberi, tha se teksti i kësaj shfaqje është lehtë i komunikueshëm me vendin tonë si dhe me problemet që kemi ne si shoqëri.

“Shfaqja që pamë është një adaptim i veprës së revizorit të Gogolit, por i ardhur nga një dramatizim apo një konceptim tjetër, David Farr, dramaturgu, regjisori anglez, i cili e sjell veprën më afër kohës, aktualitetit dhe pikërisht ky fakt ka qenë fakti ndoshta që mua më ka zgjuar kërshërinë si regjisor që shumë lehtë ky tekst do të mund të komunikoj me vendin tonë, me problemet të cilat i kemi si shoqëri dhe me publikun apo spektatorët e këtij vendi ose të këtij qyteti për të cilët edhe u dha shfaqja. Ajo që e karakterizon tekstin është pikërisht ndoshta gruteska, humori i hollë dhe natyrisht skicimet e karaktereve ose personazheve që mandej në formë konceptuale ose te regjisurës vijnë natyrshëm dhe vijnë në një ridramatizim prapë nga ana e konceptit tim që besoj publiku u nda i kënaqur, edhe unë si regjisor është hera e parë që kam punuar në Ferizaj, mendoj që qyteti i Ferizajt, në fakt teatri i qytetit të Ferizajt, ka konsolidu një trupë të aktorëve tashmë të cilët me reprizat e shfaqjeve me kalendarin e rregullt kulturor të shfaqjeve po arrijnë me kriju një pasqyrim edhe te publiku tjetër kosovar se ky teatër tashmë është në një qëndrueshmëri të mirë dhe do të mund t’i bëj ballë çdo teksti dhe çdo regjisori që vjen nga vendi ynë”, tha Zymberi.

Duke përshkruar emocionet e kësaj shfaqje, aktori Kushtrim Qerimi, tha se kjo shfaqje sa herë po paraqitet para publikut po sjell emocione.

“Po besoj që kemi me vazhdu edhe tjera kah, do të jepet prapë tash me 2 nëntor nëpër shoëcase që është prapë ashtu një emocion tjetër, unë e kam pas nderin edhe kënaqësinë me punu në këtë teatër, është hera ime e parë që punoj në tetarin “Adriana” në Ferizaj edhe bashkëpunimi ka qenë shumë i mirë dhe jam nda shumë i kënaqur dhe më vjen mirë që edhe publiku po e pranojnë shumë mirë dhe po kalojnë shumë mirë, është një shfaqje që don shumë energji zgjat goxha shumë d.m.th 2 orë e diçka, kështu që është e lodhshme edhe për ata që e shohin e lëre më për ata që luajnë, por besom që po harroj krejt ku jam edhe po kënaqem duke luajtur se njerëzit po e pranojnë mirë kështu që për aktorët që janë pjesë e kësaj shfaqje edhe për çdo aktor nuk kerkohet diçka tjetër “, u shpreh Qerimi.

Festivali do të vazhdoj sonte me shfaqjen”Erdhi Godoja” të Daniel Cruson dhe me regji të Shkelzen Berishës të cilën do ta performoj teatri i qytetit të Gjilanit.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.