Ferizaj

Bablaku në hall me ujin e pijes

Published

7 years ago

06 November, 2019

Niveli i lartë i ndotjes së ujit të pijshëm mund të vërehet lirshëm me sy, pa pasur nevojë për ndonjë analizë të veçantë. Ky ujë rrjedh nga çezmat e banorëve të fshatit Bablak të Ferizajt.

Banorët thonë se ka më shumë se një viti që nga çezmat e tyre rrjedh ujë i ndotur dhe i përzier me fekale. Ata thonë se për këtë gjendje i kanë njoftuar institucionet komunale, por nuk u është bërë ndonjë zgjidhje.

“Në këtë fshat nuk është punuar asgjë, vetëm kur janë kthy serbët për hatër tyre kishe kanë investu. Ky ujësjellës është ndërtu, por është gjysmak, edhe kompania është e njoftuar, por nuk ka bërë asgjë. Uji është i papërdorshëm, shihet, çdo ndërprerje e ujit apo e rrymës vjen uji si lëng plehu. Për shëndet më nuk diskutohet, por edhe pajisjet ku depërton ky ujë dihet që prishen, uji është shumë i ndotur, ndërsa kjo gjendje është thuajse nga fillimi. Ne vazhdimisht jemi ankuar, por siç duket nuk po merret askush me ne“, tha Daut Nuha, banor i fshatit Bablak.

“Uji vjen i ndotur, nuk ka filtrues, unë e përdori se s’kam ku me shku me marrë, kur nuk ke kah me marrë s’ki çka bën, në këtë gjendje jemi“, tha Hajrush Zeqiri, banor.

“Uji është shumë i ndotur, thuajse rregullisht vjen kështu. Një nga shkaqet është tek puset ku ka pëlcitur gypi i ujësjellësit dhe është përzier kanalizimi me ujësjellës. Ne e përdorim këtë ujë, ka pas banorë që janë ankuar nëpër mjekë shkaku i këtij uji. Unë kam bërë ankesa edhe në komunë edhe në “Bifurkacion”, janë kanë me këqyr kanë thënë paska shumë punë po u dashka me ardhë me bager dhe kurrë më s’kanë qenë, që një vit kështu jemi“, tha Driton Nuha.

Drejtori i Infrastrukturës në Ferizaj Arbër Bytyqi, thotë se kanë nisur një projekt i cili do të zgjidhë përfundimisht problemet e përgjithshme në këtë fshat.

“Zgjidhja e problemeve duhet shikuar në aspektin afatgjatë dhe në këtë drejtim ne jemi duke punuar me projekte që zgjidhin problemin një herë e përgjithmonë. Ne vetëm kemi nisur procedurat për ndërtimin e kolektorit verior, jemi në fazën e zgjedhjes së kompanisë dhe deri në vitin 2021 do të jetë i përfunduar si projekt për atë zonë dhe pas përfundimit të këtij kolektori do të jetë ndarja përfundimtare e ujit të pijshëm nga kanalizimet dhe po besoj që edhe për pjesën e ujit të pijshëm. Edhe unë kam informata nga qytetarë për këtë problematikë që është e theksuar dhe besoj që kompania që është përgjegjëse do të marrë masa për këtë, pasi deri në përfundimin e këtyre projekteve janë edhe 2 vite dhe nuk mund të presim deri në atë kohë. Ne jemi në kontaktet e para me kompaninë dhe po besoj që ata do të marrin masa për zgjidhjen e këtij problemi”, tha Bytyqi. Për të marrë një përgjigje, Televizioni Tema kontaktoi me kompaninë e ujësjellësit dhe kanalizimit “Bifurkacioni”, mirëpo zyrtarë të saj thanë se nuk janë në dijeni për këtë problem pasi tek ta nuk është ankuar askush zyrtarisht

Ferizaj

Ndalohet për 48 orë një person për rastin e vdekjes të punëtorit në Ferizaj

Published

21 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar