Ferizaj

Ferizaj do të bëhet me Klub të Atletikës

Published

7 years ago

15 November, 2019

Ferizajt së shpejti do t’i shtohet edhe një klub. Bëhet fjalë për klubin e atletikës, që është në proces të krijimit nga Abdyrrahim Haxhidema nga fshati Manastirc i Ferizajt, i cili merret me sport që nga mosha 20 vjeçare. Ai tregon për idenë e kësaj nisme.

“Që dy vite e gjysmë kam filluar të jem më aktiv në vrapim, në atletikë, kështu që kur kam filluar të marrë pjesë së pari janë mbajtur gara në mars për nderë të dëshmorëve nga Klina 50 km deri në kufi atje në Koshare që është mbajtur vrapimi edhe më nuk e kam ndërprerë do të thotë rregullisht jam marrë me vrapim, me atletikë. Për Ferizajn më është dukur e arsyeshme, sepse takimi me njerëz, me atletë dhe kështu që gjithmonë Ferizaj ka qenë në mungesë të një klubi të atletikës edhe me njerëz të tjerë të shumtë më kanë thënë që ka nevojë dhe janë duke kërkuar Drejtoria e Sportit të Ferizajt edhe kështu më ka shtyrë emocionalisht. Ky është një klub i hapur, pa përfitime financiare, domethënë këtë e kam bërë vetëm sepse e kam dashur si sport”, tha Abdyrrahim Haxhidema.

Më tej, ai tregoi edhe për garat në të cilat ka marrë pjesë jashtë Kosovës.

“Vitin e kaluar kam marër pjesë në Prilep, 67 km. Këtë vit kam vazhduar nga Matka 42 km vrapim malor edhe këtu e kam pasur vendin e tretë. E kam zënë një vend afër pleqve aty, mbi 50 vjeç dhe pastaj e kam pasur në Rijek një maratonë ka qenë 42 km. Në Prilep këtë vit e kam zënë vendin e parë, mbi 50 vjeç, 67 km që është mbajt”, theksoi Abdyrrahim Haxhidema.

Të dielën nga ora 9:00 e mëngjesit sportdashësit e vrapimit mund të marrin pjesë në promovimin e këtij klubi i cili do të bëhet në Parkun e Lirisë.

Ferizaj

Në Ferizaj raportohen katër bankënota të dyshuara nga 500 €

Published

11 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

12 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.