Ferizaj

”Shtëpia e Bamirësisë” zgjeron aktivitetet për grumbullimin e sa më shumë fondeve

Published

7 years ago

18 November, 2019

Nismës humanitare të ndërmarrë nga Sylejman Neziri dhe disa organizata joqeveritare në Ferizaj, për grumbullimin e fondeve për ndërtimin e shtëpisë për një familje skamnore në Ferizaj, i janë bashkëngjitur për ndihmë edhe punime të artit, ku fondet nga shitja e tyre do të shkojnë për këtë nismë. Për rrjedhën e aktivitetit tregon Arbenita Topalli, nga këshilli organizativ i “Shtëpisë së Bamirësisë”.

“Përveç grumbullimit të mjeteve financiare për ndërtimin e një shtëpie, ne kemi arritur të ofrojmë që shumë të rinj e të reja që të kontribuojnë edhe ata, të japin kontributin e tyre, jo vetëm duke blerë produkte dhe shërbime të cilat ne po i ofrojmë këtu në sheshin “Adem Jashari” gjithashtu ata po ofrojnë edhe punime të tyre, po ofrojnë edhe njerëz vullnetarë për të dhënë kontributin e tyre në forma të ndryshme. Këtu mund të theksojmë gjithashtu se janë afruar edhe të rinj të cilët kanë qenë të angazhuar dhe janë fondacion i Sektorit të Rinisë ku i kanë punuar këto piktura të cilat i kanë ofruar në shitje dhe mjetet të cilat do të grumbullohen do të shkojnë për qëllimin tonë bamirës’’, tha ajo.

Topalli, bëri thirrje tek qyetarët që të blejnë këto punime në mënyrë që të grumbullohen sa më shumë mjete financiare për bamirësi.

‘‘Ne i inkurajojmë që ata artdashës të cilët janë të afrohen, të blejnë pikturat edhe përveç që blejnë pikturat ata gjithashtu e dhurojnë kontributin e tyre në grumbullimin e mjeteve për çështjen e bamirësisë”, theksoi Arbenita Topalli.

Në ”Shtëpinë e Bamirësisë” e cila po qëndron para objektit të Komunës së Ferizajt që nga 24 tetori i këtij viti, mund të pish kafe dhe të blesh gjëra ushqimore ku paratë nga shitja e tyre grumbullohen për bamirësi. Deri në fund të muajit aty planifikohet të organizohen edhe aktivitetet të ndryshme siç është nata e filmit, nata e sportit, nata e muzikës.

Ferizaj

Në Ferizaj raportohen katër bankënota të dyshuara nga 500 €

Published

1 week ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 week ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.