Ferizaj

”Rotary” nis shenjëzimin e shtigjeve të këmbësorëve në Jezerc

Published

6 years ago

19 November, 2019

Klubi i Rotarianëve të Ferizajt ka marrë iniciativë për shenjëzimin e shtigjeve të këmbësorëve. Ata filluan së pari në fshatin Jezerc të komunës së Ferizajt duke vendosur shenja për orientimin e qytetarëve që i duan shëtitjet në natyrë. Kryetari i klubit ”Rotary” në Ferizaj Gani Berisha, tha se këto shtigje mund të përdoren edhe për çiklistë dhe motoristë.

“Sivjet kemi filluar me këtë iniciativë dhe është bërë hapi i parë në vendosjen e shenjave ku ne e kemi identifikuar një shteg përafërsisht nga 15 km, të cilin do ta shenjëzojmë të tërin në mënyrë që qytetarët të cilët dëshirojnë të shëtiten ta kenë të qartë orientimin dhe nga do të ecin apo të ngasin biçikleta. Një ndihmë të madhe janë duke na e dhënë edhe rotaraktorët tonë të cilët janë pjesa e rinisë e rotarianëve, mirëpo për këtë aktivitetet një falënderim të veçantë duhet t’ia dedikojmë anëtarit tonë, Dr. Xheladin Reçicës, i cili ka qenë edhe kryetar i klubit vitin e kalur që e njeh shumë mirë këtë terren për shkak edhe të kohës së kaluar si mjek në shtabin e UÇK-së, mirëpo edhe për arsye që një kohë pak më të gjatë është duke jetuar këtu, na ka ndihmuar shumë në identifikimin dhe në këtë iniciativë me një kontribut të jashtëzakonshëm”, u shpreh Gani Berisha.

Ndërkaq, sa i përket sigurisë nëpër këtë shteg, sekretari i rotaraktorëve të këtij klubi Armend Haxhidema, tha se janë krijuar lehtësira teknologjike.

“Në shenja do të vendosen edhe QR Code ku përmes skanimit të QR Code-it me Smartphone mund të marrësh udhëzime për në pika të caktuara. Për të mos humbur, përmes telefonit mund të vish prap tek pika ku është nisur ose pika të caktuara ku do të vendosen shenjëzimet, mund të marrësh udhëzime përmes telefonit”, njoftoi Armend Haxhidema.

Krejt kjo punë po bëhet në mënyrë vullnetare nga anëtarët e këtij klubi, të cilët do të vazhdojnë me identifikimin dhe shenjëzimin e shtigjeve edhe nëpër pjesë të tjera të kësaj ane.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

2 days ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

2 days ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

3 days ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.