Ferizaj

Ferizaj shembull për punësimin e personave me sindromën down

Published

6 years ago

22 November, 2019

Nuk po vjen të shërbehet me kafe, por të njoftohet me ambientin e punës. Është ky Besnik Haliti nga Ferizaj i prekur me sindromën down, i cili shumë shpejtë do të filloj punën në kafeterinë ”Kino bar” në këtë qytet. Ai shprehet shumë i lumtur që do të punësohet si banakier, duke thënë se punën e tij do ta kryej me shumë përgjegjësi.

“Nuk e kam fare problem të punoj, për aparat ia kam marrë dorën shumë mirë dhe do t’ia marrë dorën edhe më shumë, jam shumë i lumtur, kur e kam marrë lajmin se do të punësohem jam ndjerë shumë mirë”, shprehet Haliti.

Punësimi i Besnikut do të ndodhë falë inciativës së zyrtarit të Sektorit të Kulturës Agon Zhinipotoku dhe asmablistes Flora Islami, për të cilët ai shprehet shumë mirënjohës, pasi janë këta dy persona që po i krijojnë atij një jetë të re.

“Po ndihem shumë mirë, mua më ka pru Agoni dhe Flora, i falënderoj shumë”, tha ai.

Në fakt, Besniku është trajnuar për këtë punë në Qendrën e Aftësimit Profesional në Ferizaj. Udhëheqësi i kësaj qendre Adnan Islami, thotë se Besniku nuk do të ketë asnjë problem në këtë punë, pasi ai ka përfunduar me sukses të gjitha trajnimet në fushën e gastronomisë e hotelerisë.

“Besniku ka kryer trajnimin në Qendrën e Aftësimeve Profesionale, ose më mirë të themi në kabinetin e kuzhinjerisë ku aty ka zgjatur trajnimi 3 muaj. Aty Besniku ka punuar me 20 kandidatë dhe në të gjitha modulet ka qenë i angazhuar, tani që 1 muaj ka filluar edhe trajnimin e hotelerisë dhe si rezultat i kësaj Agoni dhe Flora e kanë pru këtu që të punoj”, tha Islami.

Islami thotë se është kënaqësi të punosh me këta persona, të cilët sipas tij, janë të përgjegjshëm për punën që bëjnë.

“Me këta persona jo që është vullnet me punu, por të stimulojnë me punu më shumë, Besniku është personi që e ka respektuar më së shumti orarin e punës, që është një mesazh i mirë për të gjithë“, shprehet Islami.

Besniku është personi i tretë me sindromën down në Ferizaj që do të punësohet në një biznes privat. Muaj më parë në një ordinancë stomatologjike u pat punësuar Eloida Alija, ndërsa Leart Gashi vazhdon punën në një barnatore të këtij qyteti.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.