Ferizaj

Ferizajasit hapin dyert për të mbijetuarit e tërmetit në Shqipëri

Published

6 years ago

27 November, 2019

Përveç artikujve ushqimor e veshmbathjeve që ferizajasit kanë dërguar për shqiptarët e prekur nga tërmeti, ata kanë hapur edhe dyert e shtëpive të tyre për të strehuar qytetarët nga atje.

Pronari i hotelit “Lybeten” në Ferizaj, Fahri Bega, ka ofruar një pjesë të hotelit në qytet dhe vilat që i ka në fshatin Dardani. Ai thotë se kurdo që të vijnë shqiptarët e Shqipërisë konaku i tij është i hapur dhe do t’u ofrohen të gjitha shërbimet pa asnjë centë.

“Kam shpreh dëshirë që me u solidarizu me ta që ta kenë derën hapur, unë kam shpreh dëshirë që pjesën e hotelit dhe një pjesë tjetër të vilave në Dardani t’ua ofroj duke strehuar 30 persona, kurdo që të jenë të gatshëm të vijnë dera është e hapur për ta“, tha Bega.

Edhe mjeku Shyqeri Hyseni ka ofruar për strehim banesën që e ka në Tiranë dhe shtëpinë në Ferizaj. Hyseni thotë se është momenti të tregojmë se sa solidarë janë kosovarët.

“Me këtë kataklizëm që u ndodhi vëllezërve tanë shqiptarë ne jemi të gatshëm që t’iu ndihmojmë atyre për strehim ata që kanë nevojë dhe atë një familje në Ferizaj dhe unë kam një banesë në Tiranë që edhe atë mund ta jap në shfrytëzim për familjet nevojtare, pasi ata që kanë ikur nga shtëpia siç na ka ndodhë neve në luftë qoftë edhe këtyre që u ndodhi, ne duhet të jemi të gatshëm të tregojmë solidaritetin tonë me ato mundësi që kemi”, tha Hyseni.

Strehim për të prekurit nga tërmeti kanë ofruar edhe shumë biznese të tjera ferizajase. Një ndër ta është edhe pronari i auto center “Lindi” në Ferizaj, Ibrahim Murati, i cili ka shprehur gatishmërinë që të pranoj një familje shqiptare.

“Kemi vendosur ta lirojmë një banesë për 5 persona me të gjitha shpenzimet, me ushqim, me veshmbathje me gjithçka që kanë nevojë. Unë u shpreh ngushëllime atyre familjeve, poashtu edhe familjes nga Gjilani, ka qenë një ditë e rëndë për të gjithë ne, dhashtë Zoti që mos të ndodhë më. Ne presim që të vjen ndonjë familje sa më parë, banesa do të jetë e hapur për sa të ketë nevojë, nëse është nevoja edhe shkojmë e marrim familjen atje“, tha Murati.

Për të ndihmuar njerëzit dhe zonat e prekura nga tërmeti në Shqipëri, qytetarë të Ferizajt, biznese dhe organizata të ndryshme, mbrëmë kanë dërguar kamionët e parë me ndihma, të cilat kanë vazhduar të dërgohen edhe sot.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim