Ferizaj

Qytetarët ferizajas vazhdojnë dhurimin e ndihmave për shqiptarët

Published

7 years ago

27 November, 2019

Tërmeti që ka goditur Shqipërinë ditën e djeshme ka sjellë solidarizim të madh në vend, duke treguar çdo vlerë humane. Mbrëmë qytetarët ferizajas dërguan një kontingjent me ndihma, ndërsa edhe sot ata kanë vazhduar të grumbullojnë ndihma që do dërgohen për të prekurit nga tërmeti.

Qytetarët thonë se bashkëndjejnë dhembjen me popullin shqiptarë.

“U shprehi ngushëllimeve familjeve që kanë humbur të dashurit e tyre, ne jemi gjithmonë me ta, me të vërtet dje jemi tronditur, kam qenë në punë dhe tërë ditën i kam përcjellur ngjarjet, ne gjithmonë duhet të jemi bashkë“, tha Fehmi Murati, banor i Ferizajt.

“Ka qenë ditë e tmerrshme, një pako ushqimore po e dërgoj, kaq kam mundësi”, tha Adem Uksmajli, banor i Ferizajt.

“E përjetuam shumë rëndë, me lot tërë ditën kemi qenë, shumë rëndë e kemi përjetuar, çka kam mundur në shtëpi kam mbledhur dhe i kam sjellur”, tha një tjetër qytetare.

Anëtari i tifozëve Ultras Ujqit, Edonis Kamberi, tregon se mbrëmë kane dërguar një kontegjent me ndihma dhe kanë parë për së afërmi qytetarët atje.

“Ne kemi shkuar atje, ishte me të vërtet gjendje e rëndë, ishin duke qëndruar nëpër tenda dhe kishin nevojë për ushqime e gjëra të tjera“, tha Kamberi.

Drejtori i Shërbimeve Publike në Ferizaj Arben Halili, tha se ndihmat nga qytetarët dhe bizneset kanë qenë të shumta, ndërsa komuna është angazhuar të siguroj transportin.

“Ne si komunë po mundohemi me i bashkërendu aktivitetet e qytetarëve në një pikë të vetme. Qytetarët dhe bizneset janë duke na telefonuar vazhdimisht, poashtu janë duke ofruar edhe mjete financiare, por ne nuk do t’i pranojmë, ne do t’i pranojmë vetëm artikujt ushqimor dhe veshmbathjet të cilat do të shkojnë në Durrës“, tha Halili.

Në komunën e Ferizajt ishin planifikuar të mbaheshin dhjetëra aktivitete për nderë të 28 nëntorit, Ditës së Flamurit, ku ndër to ishte edhe festivali tradicional “Kosovarja Këndon”, por që të gjitha janë anuluar për shkak të tërmetit të djeshëm që goditi Shqipërinë nga i cili humbën jetën dhjetëra persona.

Ferizaj

Ndahet nga jeta veterani i UÇK-së, Avdi H. Ahmeti

Published

1 week ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.