Ferizaj

Homazhe për dëshmorët në Ditën e Flamurit Kombëtar

Published

7 years ago

28 November, 2019

Përfaqësues të institucioneve lokale, përfaqësues të partive politike, organizatave të dala nga lufta dhe qytetarë të shumtë, kanë bërë homazhe në Kompleksin e Varrezave të Dëshmorëve në Ferizaj me rastin e festës së 28 nëntorit, Ditës së Flamurit Kombëtar.

Kryesuesja e Kuvendit komunal të Ferizajt, Kristina Gashi-Bytyqi, tha se ky 28 nëntor kësaj here shqiptarët po i gjenë me zemër të thyer e shpirt të lënduar.

“Sot është një ditë e rëndësishme për popullin shqiptarë, po ashtu është një ditë pak më ndryshe nga herat e tjera pasi jemi tronditur me ngjarjet e fundit në Shqipëri, po e përjetojmë edhe ne, unë uroj që herave të tjera ta festojmë më mirë këtë festë”, tha Gashi-Bytyqi.

Kurse, kryetari i Shoqatës së Familjeve të Dëshmorëve në Ferizaj, Gafurr Bytyqi, edhe në këtë përvjetor përsëriti se bashkimi kombëtar duhet të ndodhë sa më parë.

“Kjo ditë përkon me të gjitha aktivitetet patriotike të kombit tonë gjatë gjithë historisë, si sublimim i kësaj dite është flijimi i dëshmorëve tanë dhe produkt i këtij sublimimi është lira që sot ne e gëzojmë. Liri më të madhe as që ka menduar populli ynë, por duhet të punojmë si popull të gjithë së bashku duke kultivuar gjithmonë ndjenjën e bashkimi të kombit. Bashkimi kombëtar duhet të ndodhë kudo që gjenden shqiptarët. Kjo festë na ka goditur me një fenomen natyror vdekjeprurës që edhe ne e kemi përjetuat këtu”, tha Bytyqi.

Në këso ditësh, natyrisht nuk mungojnë as familjet e dëshmorëve që dhanë bijtë e tyre për çlirim. Ata u shprehën të zhgënjyer me institucionet të cilat thanë se i kanë lënë pas dore.

“28 nëntori është ditë për të gjithë e veçanërisht ne që kemi të rënë në luftë, por nuk janë duke punuar, janë duke punuar shumë dobët, unë dje kam ardhur nga spitali, përveç mjekëve nuk ka asgjë tjetër, as barna, as mjete, mjetet ndahen, por ku shkojnë ato nuk e dimë“, tha babai i dëshmorit Rexhep Demiri, Shefki Demiri.

“Në këtë ditë ne po ndihemi mirë, por nuk po mendojnë për popull, por vetëm për vete kjo kryesia jonë, ishalla bëhet mirë ndonjëherë, por tani për tani jo. Unë jam familje e dëshmorit, djali më ka rënë në Koshare, në fillim na kanë ndihmuar, ndërsa tani nuk të njeh kurrkush, por ishalla bëhet mirë“, tha babai i dëshmorit Fatmir Kërqeli, Haki Kërqeli.

Për nder të Ditës së Flamurit, në komunën e Ferizajt ishin planifikuar të mbaheshin disa aktivitete, por asnjëra nga to nuk është mbajtur për shkak të tërmetit që ka goditur Shqipërinë ku gjetën vdjeken dhjetëra persona.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

54 mins ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

18 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar