Ferizaj

Policia nuk hap rast për të lënduarin në projektin ”Bashkimi i Qytetit”

Published

7 years ago

02 December, 2019

Mbrëmjen e së shtunës një 72 vjeçar me inicialet R. K nga komuna e Ferizajt, ra në një gropë ku po zhvillohen punimet e projektit ”Bashkimi i qytetit”. Në Spitalin Rajonal të Ferizajt, thonë se pas dhënies së ndihmës së parë, pacienti është dërguar në Qendrën Klinike Universitare të Kosovës për trajtim të mëtutjeshëm. Mjeku Avdi Tahiri, thotë se pacieni ishte edhe nën ndikimin e alkoolit.

“Atë natë ka qenë kujdestar doktor Sefedini i cili edhe ka raportuar gjatë pranim-dorëzimit të detyrës, ku ka raportuar se një person i moshës 75 vjeçare ka rënë në gropë ku janë duke u bërë punimet në projektin ”Bashkimi i qytetit”, i cili kur ka ardhë në shërbimin tonë ka qenë me vetëdije, por ka qenë edhe nën ndikimin e alkoolit, ka pasur lëndime në kokë dhe në trup, është trajtuar këtu nga stafi, janë bërë analiza dhe më pas pacienti është transferuar në QKUK për ekzaminim të CT të kokës, pasi ne nuk e kemi shërbimin e CT”, tha Tahiri.

Në vendin ku ra 72 vjeçari, nuk ka mbrojtëse. Për këtë drejtori i Infrastrukturës Arbër Bytyqi, thotë se operatori është arsyetuar se rrethojat janë larguar nga shoferët e taksive që operojnë në këtë pjesë. Ai thotë se janë duke i bërë verifikimet e nevojshme dhe do të marrin masa ndaj fajtorit.

“Kemi marrë me shqetësim lëndimin e këtij banori, gjendja e tij është e mirë e ka kaluar rrezikun, po besoj se në ditët në vijim do të shikojmë pse ka ardhur deri tek ky aksident. Një pjesë e asaj ku ka rënë ky banor ka qenë e rrethuar nga punëkryesi, një segment tjetër ka qenë i rrethuar me shirit rrethues për të mos u futur, por sipas punëkryesit është larguar nga taksitë përrreth aty, megjithatë organi mbikqyrës është duke bërë verifikimet e nevojshme dhe do të na sjellin një konkluzion dhe të shikojmë masat që do të marrim qoftë për operatorin apo ata që e kanë shkaktuar edhe pse flitet se qytetari ka qenë në gjendje të dehur, por ne do t’i shikojmë të gjitha procedurat dhe të gjejmë fajtorin për këtë aksident që ka ndodhur”, tha Bytyqi.

Megjithatë, policia nuk ka hapur rast për këtë. Zëdhënësi i Policisë për Rajonin e Ferizajt, Agim Gashi, tha se janë duke pritur të marrin deklaratën e të aksidentuarit.

“Rreth orës 23:00 policia është informuar nga Emërgjenca e Spitalittë Ferizajt që një person ka kërkuar ndihmë ku viktima është rrëzuar në afërsi të nënkalimit. Policia i është përgjigjur rastit ka shkuar në emërgjencë, por viktimën nuk e ka takuar aty pasi pacienti është transferuar për në Prishtinë. Ne kemi dalë në vend të ngjarjes, por për momentin jemi duke pritur të përmirësohet gjendja shëndetësore e tij dhe të marrim deklaratë nga ai dhe të shohim a ka elemente për vepër apo është vetëaksidentuar, pa deklaratën e tij për momentin nuk kemi rast të hapur”, tha Gashi.

Projekti “Bashkimi i qytetit”, që nga fillimi është kritikuar për mungesë të masave të sigurisë. Para disa javësh nga punimet në këtë projekt është rrëzuar një shtyllë e betonit mbi një kafeteri në Ferizaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

7 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar