Connect with us

Ferizaj

Alma Haxhiu, fituese e vendit të parë në festivalin ”Kosovarja këndon”

Published

6 years ago

on

Në teatrin “Adriana” të Ferizajt është mbajtur edicioni i 47 i festivalit “Kosovarja këndon”. Këtë vit në skenë janë ngjitur 15 konkurrente nga vise të ndryshme të Kosovës me interpretim të drejtëpërdrejt të këngës popullore shqipe. Me këngën “ti s’u ktheve” solistja Alma Haxhiu nga Kamenica e fitoi çmimin e parë, me çmimin e dytë u shpërblye Rina Kurtishi me interpretimin e këngës “Margjelo”, ndërsa çmimin e tretë e fitoi Loresa Zeqiri me këngën “Poçari”. Fituesja e vendit të parë u shpreh mirënjohëse për çmimin.

“Ndihem shumë falënderuese për çmimin e parë, falënderoj së pari familjen për mbështetjen, jurinë, gjithashtu edhe orkestrën për punën e palodhshme”, tha Alma Haxhiu.

Në këtë festival tradicional u ndanë edhe dy çmime speciale, çmimi “Nexhmije Pagarusha” për vlera vokale, me të cilin u shpërblye Diellza Halimi, ndërsa Rina Kurtishi ishte fituese edhe e çmimit “Skender Idrizi” të cilin e ndanë Klubi i Gazetarëve “Haki Braha” në Ferizaj.

“Me të vërtet është një ndjenjë shumë e mirë sepse mora çmimin e emrit më të madh të muzikës shqiptare. Është kënaqësi kur vlerësohesh nga një juri profesionale edhe pse për mua është hera e parë që po marrë pjesë me një muzikë të zhanrit popullor, mirëpo me të vërtet ka qenë një shtytje shumë e madhe për mua që të vazhdoj akoma, ju faleminderit shumë”, tha Diellza Halimi.

Besa Shema-Luzha, pjesëtare e jurisë, tha se përzgjedhja e më të mirëve ka qenë shumë e vështirë.

“Jashtëzakonisht e vështirë sepse kur i ke 15 këngë e të duhet t’i zgjedhësh vetëm 3 apo 4 çmime është vërtet një detyrë shumë e kujdesshme edhe e vështirë, sepse duhesh ta vlerësosh çdo element të këndimit që të mund të jetë një vlerësim vërtet real dhe shpresoj që edhe publiku dhe pjesëmarrëset e kanë vlerësuar si të tillë. Kemi pasur diskutime për vendin e parë dhe të dytë, mirëpo vërtet i kemi analizuar të gjitha ato elemente dhe vendosëm ashtu si edhe i kemi dhënë çmimet, por vështirësia qëndron në atë sepse të gjitha vajzat kanë dëshirë të këndojnë, e kanë edhe talentin edhe zërin, por ndonjëherë gjatë interpretimit ato mund edhe të mos e vërejnë rrëshqitjen në intonacion ose një interpretim që mund të jetë kështu i saktë, por jo shumë me emocion, është pak i zbrazët në aspektin emocional dhe tash kur e merr detyrën ta vlerësosh, ti i shikon të gjitha ato elemente, i kombinon dhe besoj që në atë aspekt kemi vlerësuar”, tha Besa Shema-Luzha.

Solistet në festivalin “Kosovarja këndon” janë përcjellë nga Ansambli i Këngëve dhe Valleve “Kastriotët” të cilët dhuruan mirënjohje për kompozitorë të muzikës që ishin të pranishëm në këtë festival si Zeqirja Aballata dhe Fahri Beqiri.   

Njëkohësisht, edhe të gjitha solistet pjesëmarrëse kanë marrë mirënjohje në shenjë falënderimi për pjesëmarrje.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohen edhe dy persona pas sekuestrimit të 17.9 kg heroinë në Ferizaj

Published

1 day ago

on

14 April, 2026

By

Një operacion i koordinuar ndërmjet Prokurorisë Speciale dhe Policisë së Kosovës – Task Forca “White Star”, i zhvilluar më 13 prill 2026 në Komunën e Ferizajt, ka rezultuar me arrestimin e dy personave të tjerë të dyshuar për trafikim të narkotikëve, duke e çuar në katër numrin total të të arrestuarve.

Në njoftimin e prokurorisë bëhet e ditur se të ndaluarit A.D., S.Sh., M.Sh. dhe M.B., dyshohen për kryerjen e veprave penale për pjesëmarrje ose organizim të grupit kriminal të organizuar, blerje, posedim, shpërndarje dhe shitje të paautorizuar të narkotikëve, si dhe shpëlarje parash.

“Sasia e substancës narkotike të llojit heroinë e sekuestruar gjatë operacionit, pas vlerësimit arrin në rreth 17 kilogramë e 900 gramë.

Me urdhër të gjykatës janë kryer kontrolle në katër lokacione të ndryshme, ku përveç substancës narkotike janë sekuestruar edhe prova të tjera relevante që do të përdoren në procedurën penale.

Me vendim të prokurorit, të dyshuarit janë ndaluar për 48 orë. Brenda këtij afati, Prokuroria Speciale do të paraqesë kërkesë për caktimin e masës së paraburgimit në Gjykatën Themelore në Prishtinë.

Nga hetimet e deritanishme është arritur të identifikohen personat dhe lokacionet ku ka operuar ky grup kriminal i organizuar me qëllim trafikimin e narkotikëve. Po ashtu, është lokalizuar edhe vendi ku mbahej substanca narkotike, e cila ishte përgatitur për transport”, thuhet në njoftim.

Lidhur me këtë rast, edhe dy persona të tjerë janë në kërkim policor, për çka Policia e Kosovës po vazhdon punën intensive për lokalizimin dhe arrestimin e tyre.

Continue Reading

Ferizaj

Vdes punëtori që ra nga kati i 6-të i një ndërtese në Ferizaj

Published

2 days ago

on

13 April, 2026

By

Një 59-vjeçar ka humbur jetën në Ferizaj pasi ka rënë nga kati i gjashtë i një objekti që po ndërtohej në të cilin viktima ishte si punëtor.

Rastin e ka konfirmuar zëdhënësi i policisë së Kosovës për rajonin e Ferizajt, Kanun Veseli, derisa bëri të ditur se vdekja e viktimës u konstatua në vendngjarje nga ekipi emergjent.

“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim.

Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.

Dyshohet se viktima është një mashkull 59 vjeç , i cili ka rënë nga kati i 6-të i objektit në ndërtim gjatë punimeve.

Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës,” ka njoftuar policia.

Brenda dy javëve të fundit ky është rasti i dytë i aksidentit me fatalitet që ndodh për shkak të rënies nga lartësia në objekte ndërtimi, pasi më 3 prill, në një rast të ngjashëm, humbi jetën një 44 vjeçar.  

Continue Reading

Ferizaj

Siguria juaj fillon me zgjedhjen e duhur të sigurimit

Published

1 week ago

on

08 April, 2026

By

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

•  Sigurim i shëndetit në udhëtim – për udhëtime të sigurta jashtë vendit

•   Sigurim shëndetësor – kujdes dhe mbrojtje për shëndetin tuaj

•   Sigurim i personave nga aksidentet – mbështetje financiare në rast të aksidenteve të papritura

•   Sigurim TPL & TPL+  – sigurim i detyrueshëm dhe i zgjeruar për automjete

•  Sigurim Kasko i automjeteve – mbrojtje e plotë për veturën tuaj

•  Sigurim i pronës, banesës dhe shtëpisë – siguri për pronën dhe familjen tuaj

•  Sigurim i ofertës (tenderit) – për kompani që marrin pjesë në tenderë

•   Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

  • * Artikull i sponsorizuar

Continue Reading

Trending