Ferizaj

”FerPlast” dhe ”PrimOil” zgjedhen top-ndërmarrjet e vitit në Ferizaj

Published

6 years ago

13 December, 2019

Ministria e Tregtisë dhe Industrisë në bashkëpunim me Agjencinë për Investime dhe Përkrahjen e Ndërmarrjeve në Kosovë që vepron në kuadër të MTI-së, kanë shpërndarë mirënjohje për top-ndërmarrjet më konkurruese të vitit 2019. E, në mesin e ndërmarrjeve me performancën më të mirë u shpërblyen edhe dy biznese nga Ferizaj, “FerPlast” dhe “PrimOil”.

Për ndërmarrjen “FerPlast”, kjo është hera e dytë që zgjedhet top-ndërmarrja e vitit. Pronari i saj Bashkim Krasniqi, tha se kjo nënkupton se janë duke e ruajtur primatin.

“Ne për herë të dytë po përzgjedhemi që do të thotë se çdo kohë jemi më mirë, ne nuk do t’i ndalim prodhimet e tona dhe do të rrisim edhe numrin e punëtorëve për t’u përzgjedhur përsëri në vitet e ardhshme. Ne jemi zgjedhë sot një ndër kompanitë top në regjionin e Ferizajt, si kompani prodhuese, si kompani për rritjen e numrit të punëtorëve, për shkak të eksportit në vendet e Evropës dhe si prodhues vendor”, tha Krasniqi.

Kurse, pronari i ndërmarrjes ”PrimOil”, Imri Haliti, tha se në vazhdimësi i kanë dhënë rëndësi të veçantë prodhimit të vajrave dhe ky mund iu shpërblye duke u përzgjedhur si top-ndërmarrje e vitit në vend.

“Ne mendojmë se për këtë përzgjedhje në mesin e kompanive top në vend është marrë për bazë eksporti dhe numri në rritje i punëtorëve. Ne jemi duke i dhënë prioritet prodhimit të vajrave motorike dhe industriale, mendoj që do të ketë rritje të eksportit edhe në vitet e ardhshme”, tha Haliti.

Pronarët e dy top-ndërmarrjeve të vitit 2019 në Ferizaj, Krasniqi dhe Haliti, thanë se kjo i motivon të punojnë edhe më shumë.

“Ky çmim është motivim për ne që të punojmë më mirë, që të jemi në trend me kompanitë e tjera në Evropë”, tha Krasniqi.

“Ne mendojmë që do të rrisim edhe më shumë si numrin e punëtorëve ashtu edhe prodhimin, do të vazhdojmë me këtë trend, por edhe më mirë besoj se do të bëhemi”, tha Haliti.

Përzgjedhja e ndërmarrjeve është bërë duke u bazuar në veprimtaritë e kompanive, në kriteret e punësimit, në kontributet tatimore, në eksport, e të tjera.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.