Ferizaj

Kisha protestante në Ferizaj përgatitet për Krishtlindje

Published

7 years ago

20 December, 2019

Kisha protestante Alfa-Omega në Ferizaj është përgatitur për të shënuar festën e Krishtlindjes. Pastori Nazmi Berisha nga Kisha Alfa-Omega, tha se në natën e Krishtlindjes do të jenë në sheshin e qytetit duke uruar të gjithë ata që e kremtojnë këtë festë.

“Me datën 24 në mbrëmje do të jemi një grup që do të dalim në shesh vetëm për të uruar njerëzit për Krishtlindje, njerëzit që kalojnë dhe për të shprehur gëzimin edhe festën e Krishtlindjes me qytetarët që do të jenë në shesh, me datën 24 nga ora 18:00 deri në 20:00 do të jemi një grup atje në shesh në qendrën kryesore. Kurse, më 25 pastaj kemi një si drekë familjare ku e mbajmë me anëtarët e komunitetit tonë, ku ndajmë edhe ushqime, dhurata së bashku duke festuar me njëri tjetrin festën e Krishtlindjes”, tha Nazmi Berisha.

Pastori Berisha, tha se për të ndarë gëzimin e festave kanë shpërndarë dhurata për fëmijët me nevoja të veçanta.

“Në prag të festës së Krishtlindjes ne organizojmë aktivitete të ndryshme, por këtë vit kemi qenë më të kufizuar për shkak të hapësirës dhe nuk kemi organizuar shumë aktivitete, por dy gjëra që do të doja t’i theksoja janë një aktivitet që kemi organizuar me dhurata, sepse dhurata është simbol i festës së Krishtlindjes dhe kemi shpërndarë në dy vende dhurata, në qendrën e Down Syndrome dhe në Qendrën e përkujdesjes ditore ”Pema” për fëmijët me nevoja të veçanta, duke ndarë gëzimin e Krishtlindjes bashkë me këta fëmijë me nevojë”, tha Nazmi Berisha.

Pastori Nazmi Berisha, uroi ferizajasit për festën e Krishtlindjes duke thënë se lindja e Jezu Krishtit është dhuratë nga Zoti.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

21 hours ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.