Ferizaj

Subvencionimi i kamatave për bizneset mbetet vetëm premtim i kryetarit Aliu

Published

7 years ago

20 December, 2019

Njëri ndër premtimet e kryetarit të komunës së Ferizajt Agim Aliu ishte subvencionimi i kamatave kreditore për bizneset e këtushme. Mirëpo edhe pse kanë kaluar dy vite që kur Aliu mori nën udhëheqje komunën e Ferizajt, një gjë e tillë mbeti vetëm premtim.

Drejtori i Zhvillimit Ekonomik në Ferizaj Zekir Bytyçi, në një konferencë për media, tha se vullneti i qeverisë lokale ka qenë që të përmbushin këtë zotim, por kanë hasur në pengesa ligjore.

“Ne si komunë kemi qenë të interesuar me bë këtë lloj të subvencionimit të kamatave, por kemi hasur në pengesa ligjore që nuk kemi mundur me i mbështet bizneset përmes pagimit të kamatave, e vemtja mënyrë që kemi mundur me i mbështet është përmes blerjes së pajisjeve. Ka qenë pengesë ligjore që nuk lejon ligji me u lidh me një operator këtë rast bankë dhe me i transferu mjetet e komunës në llogari të bankës”, tha Bytyçi.

Një premtim tjetër që ka mbetur peng i procedurave ligjore është edhe krijimi i zonës ekonomike në Babush.

“Ne si komunë i kemi marrë disa pëlqime, por pengesë kryesore ka dalë Ministria e Bujqësisë që nuk na ka dhënë pëlqim për fillimin e zbatimit të këtij projekti, arsyeja ka qenë sepse është tokë e kategorisë së dytë, tokë pjellore, dhe nuk mund të jepet një pëlqim në atë zonë, ndërsa ne e kemi futur në hartat zonale që ajo zonë të jetë zonë ekonomike dhe në momentin që votohet nga Kuvendi i Komunës atëherë ne do të procedojmë që ajo zonë të jetë zonë ekonomike”, tha Bytyçi.

Në këtë konferencë për media, drejtori Bytyçi paraqiti të arriturat dhe sfidat e kësaj drejtorie gjatë këtij viti.

“Gjatë vitit 2019 janë mbështetur 38 biznese të mesme dhe të vogla me mjete të punës dhe pajisje nga Fondi i Punësimit ku qëllim kryesor ka qenë përkrahja e bizneseve private me qëllim krijimin e vendeve të reja të punës, gjithashtu 15 biznese në fushën artizanale janë mbështurur me mjete pune dhe pajisje. Po ashtu, këtë vit është hapur Qendra e Inovacionit që është një arritje e madhe për komunën e Ferizajt, e cila është një dritare e hapur për të rinjtë që garanton një perspektivë për ta”, tha Bytyçi.

Drejtori i Zhvillimit Ekonomik, tha se gjatë këtij viti në Ferizaj janë regjistruar afër 700 biznese të reja, ku janë punësuar mbi 1 mijë punëtorë, por tha se kanë pasur edhe afër 100 kërkesa për ç’regjistrim apo mbyllje të biznesit.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

7 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar