Ferizaj

Ferizaj pa rrymë që nga mesnata

Published

7 years ago

26 December, 2019

Nga mesnata, shumica e qytetit të Ferizajt, por edhe disa fshatra të kësaj komune kanë mbetur pa energji elektrike.

Ndërprerja e rrymës më së shumti telashe u ka shkaktuar biznesve. Përfaqësues të bizneseve shprehen të mllefosur për këtë gjendje, duke thënë se në këto ditë feste kur edhe qarkullimi i qytetarëve është më i madh, nuk po kanë mundësi të punojnë si duhet pasi kryesore për ta është energjia elektrike.

“Prej mesnatës është ndërprerë energjia elektrike dhe me të vërtet është vështirë pasi jemi në ditë feste dhe është shtuar numri i klientëve pasi kanë ardhur edhe bashkëatdhetarë dhe kjo gjendje tani me rrymë është një problem shumë i madh. Gjatë ditës ka qenë shumë problem, nuk kemi mundur me i përgatitë produktet, por përveç kësaj lokali është shumë i ftohtë”, tha Leona Jahiri.

“Problem shumë i madh, nga ora 1 e natës nuk ka pasur rrymë, as 20 % nuk kemi mundur me punu, nuk na kanë lajmëru fare që do të ketë ndërprerje”, tha Zylfi Xhyqeqi.

“Nuk ka rrymë nga ora 12 e natës, siç po shihet jemi duke qëndruar, klientët po hynë dhe po dalin, nuk punojnë as nxemjet, me të vërtet është shumë problem“, tha Flamur Bajraktari.

Se sa do të zgjasin ndërprerjet e energjisë elektike, TV TEMA tentoi të kontaktoj me udhëheqës të Distriktit të KEDS-it për Ferizaj, mirëpo kontakti me ta ishte i pamundur, por në faqen zyrtare të KEDS-it thuhet se arsyeja e ndërprerjes së energjisë elektrike është pastrimi i trasesë nga drunjtë, evitimi i rrezikut, ndërrimi i izolatorëve, shtrëngimi i përçuesve, përforcimi i shtyllave, vendosja e kthinave dhe ndërrimi i transformatorit të mbingarkuar, punime këto të cilat sipas KEDS-it pritet të zgjasin deri në orët e vona të 26 dhjetorit.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.