Connect with us

Ferizaj

Mesazhe paqeje dhe tolerance për Krishtlindje

Published

on

Sot besimtarë katolik nga e gjithë bota kanë festuar festën e Krishtlindjes. Me këtë rast, famulltari i kishës “Engjëlli i Rojës” në Ferizaj, uroi të gjithë ata që festojnë lindjen e Jezu Krishtit.

“Jeta e njeriut sfidohet sikur edhe e jona tash nga sfida të ndryshme dhe mesazhi im është që të lejojmë të vijë paqja sepse princi i paqes është Jezusi në zemrën e secilit njeri vullnetmirë e paqja vjen në mospajtimin me të keqën, në mospajtim me mëkatin i cili është shkëputje nga dashuria, prandaj përgatitja e zemrave tona, e mendjes, reflektimi jonë për të mirën është mesazhi në të cilin Krishti qëndron dhe dëshiron që ai të aplikohet në zemër dhe në jetën e secilit njeri vullnetmirë. Pra, uroj Krishtlindjen gjithë botës së krishterë dhe gjithë njerëzve të vullnetit të mirë”, tha Don Viktor Sopi.

Për urimin e kësaj feste në kishën “Engjëlli i Rojës” u mirëpritën zyrtarë të institucioneve lokale, të Bashkësisë Islame dhe  përfaqësues të partive politike në Ferizaj, të cilët uruan të gjithë besimtarët e krishterë për këtë festë.

“Gjithmonë festat na kanë bashkuar që të urojmë me këtë rast bashkëqytetarët tanë që janë të komunitetit krishterë për festën e Krishtlindjeve. Sigurisht i urova edhe në emër të institucionit, në emër të të gjithë qytetarëve të komunës së Ferizajt të cilët i përfaqësoj me urimet më të mira sepse festa, respektivisht Krishtlindjet, janë simbolikë e ngadhënjimit të së mirës, e ngadhënjimit të shpresës për gëzimin dhe ditë kur jepen mesazhet e paqes dhe të dashurisë”, tha Agim Aliu.

“Lidhja Demokratike dëshiron që ta uroj të gjithë komunitetin katolik për shumë mot Kërshëndellat si njërën nga festat më të rëndësishme e cila natyrisht kultivon edhe ndjenjën e tolerancës, humanizmit, mirësisë, dashamirësisë, begatisë kështu pranë sofrave që shënojnë këtë festë”, tha Muharrem Svarqa nga LDK.

“Toleranca në mes të shqiptarëve ka qenë me shekuj dhe do të vazhdoj të jetë, sepse shqiptarët nuk i ka ndarë feja asnjëherë, shqiptarët janë një, pavarësisht që kanë shumë fe dhe është një pasuri e kombit shqiptarë kjo dhe tani më është bërë traditë që të festojmë bashkërisht në të gjitha festat e tyre që janë të ndërsjella qoftë Krishtlindjet, qoftë Pashkët, qoftë Bajrami dhe besoj që kjo është pasuri e kombit shqiptarë dhe përmes kishës sot i urojmë të gjithë komunitetin katolik festën e Krishtlindjeve”, tha Xhavit Zariqi nga AAK.

“Çdo festë e ka specifikën e saj, mirëpo ne si traditë e kemi traditë të mirë ku e ndajmë me njëri tjetrin edhe në festat të cilat nuk i takojnë besimit të tyre, mirëpo vijmë ndajmë gëzimin ashtu siç e ndajmë edhe hidhërimin kur ka ndonjë rast siç ishte rasti i fundit me tërmetin që ndodhi në Durrës, ky solidaritet, afërsi që është ofruar nga të gjithë qytetarët e Kosovës pa dallim të fesë”,  tha Valon Ramadani nga LVV.

Përfaqësues të Këshillit të Bashkësisë Islame dhe të Policisë në Ferizaj, thanë se është kënaqësi të shohësh harmoninë në mes komuniteteve fetare në këtë qytet.

“Ne ishim sot këtu për të uruar festën e Krishtlindjeve dhe kjo dëshmon edhe një herë që ne kemi raporte të mira, fundja jemi vëllezër për nga gjuha, kultura, tradita dhe kjo sa herë që vijnë festat neve na bashkojnë dhe kjo tregon tolerancën që kemi në mes vete, tregon paqen dhe dashurinë që kemi, në emër të kryetarit të Bashkësisë Islame të Ferizajt, Bujar Hasani uroj festat për shumë mote dhe shumë gëzime”, tha Naim Rexhepi nga KBI.

“Ferizaj çmohet, ka vlerë me tolerancën fetare, është një ndër qytetet që jo vetëm në Kosovë, por edhe jashtë që i ka ato karakteristikat, vetitë e saj që dallon nga vendet e tjera, kështu që edhe unë në emër tim personal, por edhe në emër të policisë ia uruam festën e Krishtlindjes komitetit katolik”, tha Emin Beqiri nga PK.

Gjatë vizitës kryetari Aliu bëri të ditur nënshkrimin e memorandumit të bashkëpunimit me instuticionet qendrore, me deputet të Kuvendit Komunal dhe me Drejtorinë e Kulturës së Ferizaj për renovimin e kishës katolike “Engjëlli i Rojës”.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet një zyrtar policor në Ferizaj nën dyshimin për organizim të bixhozit të paligjshëm dhe armëmbajtje pa leje

Published

on

Inspektorati Policor i Kosovës ka arrestuar të hënën një zyrtar policor nga Stacioni Policor në Ferizaj, nën dyshimin për organizim të bixhozit të paligjshëm, skema piramidale dhe armëmbajtje pa leje si dhe përdorim të armës apo mjetit të rrezikshëm.

Me aktvendim të prokurorit të dyshuarit i është caktuar masa e ndalimit për 48 orë.

Gjatë ditës së djeshme hetuesit e IPK-së kanë bastisur 7 (shtatë) lokacione ku janë sekuestruar dy armë të shkurtra, një armë e gjatë e gjuetisë, dy armë të ftohta (thika), si dhe municion i llojeve të ndryshme.

Sipas dyshimeve fillestare, polici dyshohet se gjatë vitit 2026 ishte përfshirë në organizimin e bixhozit të paligjshëm online, si dhe kishte poseduar një armë të gjatë të tipit Kallashnikov, të cilën dyshohet se ia kishte shitur një personi tjetër.

Lidhur me këtë hetim  janë intervistuar edhe gjashtë persona të tjerë, të dyshuar për veprën penale “Shitblerja e armëve”. Hetimet ndaj tyre do të vazhdojnë në procedurë të rregullt.

IPK-ja i ka rekomanduar Policisë së Kosovës suspendimin e zyrtarit, ndërsa hetimet për rastin po vazhdojnë në koordinim me Prokurorinë e Shtetit.

#

Continue Reading

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Trending