Ferizaj

Ferizaj shënon Ditën e Veteranit

Published

7 years ago

30 December, 2019

Me rastin e Ditës së Veteranit, krerë politik, veteranë të UÇK-së dhe familjarë të dëshmorëve kanë bërë homazhe tek varrezat e dëshmorëve të Ushtrisë Çlirimtare të Kosovës në Ferizaj. Nënkryetari i Organizatës së Veteranëve në Ferizaj, Luan Jahiri tha se kjo ditë simbolizon lirinë që kemi sot.

“Ne veteranët e Ushtrisë Çlirimtare të Kosovës festojmë Ditën e Veteranit. Kjo ditë përket me 28 ditë përpara, me sulmin e parë me familjen Jashari andaj ne jemi krenarë që nga ajo ditë e sot festojmë lirinë që kemi sot, gëzojmë me një epitetë veteranë të luftës, epitet i shenjtë për ne ushtarët që kemi qenë në luftë dhe besoj që kjo ditë, por edhe shumë vite të tjera me këtë liri që e gëzojmë do të jemi krenarë vazhdimisht dhe Kosova do të ecë përpara“, tha Luan Jahiri.

Gjendjen e veteranëve pas luftës në Kosovë, Jahiri në përgjithësi e vlerësoi të mirë.

“Në përgjithësi gjendja e veteranëve sot 20 vite pas luftës është në suaza të mira, ka pakënaqësi, ka veteranë që kemi ende të papunë, ka veteranë që kanë rregulluar jetën e tyre, janë në punë shtetërore, në punë private me bizneset e tyre, gjithmonë mundohemi të gjejmë veten aty ku jemi. Mendoj që në një masë jemi të kënaqur me atë që kemi, por mbi të gjitha e thashë edhe më herët është ajo që sot ne po jetojmë, është liria që po e gëzojnë fëmijët tanë, një liri që askush nuk e ka menduar më herët e kjo na shtynë që të mendojmë vetëm për mirë”, tha Luan Jahiri.

Ndërsa, Abdulla Musliu, veteran i luftës në Kosovë, shpreson që edhe brezat e rinj ta kujtojnë këtë ditë të rëndësishme historike.

“Siç dihet sot është 30 dhjetori, Dita e Veteranit ku në familjen Jashari për herë të parë ndodhi sulmi nga forcat serbe dhe nga ajo kohë kanë filluar grupet ilegale derisa është strukturuar edhe Ushtria Çlirimtare e Kosovës kur doli në skenë me 28 nëntor në vitin 1997, kur edhe filloi lufta siç thonë zyrtarisht dhe për liri ranë shumë dëshmorë dhe nga ajo ditë ne e festojmë këtë ditë dhe do ta festojmë gjithherë, besoj që edhe brezat e rinj do ta festojnë dhe do ta kujtojnë si ngjarje e rëndësishme historike. Unë shfrytëzoj rastin t’i përshëndes të gjithë veteranët, t’ua uroj këtë ditë e në veçanti familjet e dëshmorëve që dhanë jetën për lirinë dhe ditën e sotme”, tha Abdulla Musliu.

Për të nderuar familjen Jashari dhe dëshmorët që ranë gjatë luftës në Kosovë, organizatat e dala nga lufta e UÇK-së, kanë bërë homazhe në kompleksin memorial në Prekaz.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar