Connect with us

Ferizaj

Akuza e kundërakuza në mbledhjen e Kuvendit Komunal

Published

on

Kuvendi Komunal i Ferizajt mbajti mbledhjen e fundit për këtë vit. Në këtë seancë pa ndonjë diskutim u miratuan propozimet e ekzekutivit që ishin proceduar për sot,  por shumë debat ngjalli propozimi i LDK-së për raportimin mbi gjendjen e shëndetësisë ferizajase, konkretisht shqetësimi i Burim Karametës, për siç thotë ai, konsumimin e alkoolit nga punëtorët shëndetësor brenda orarit të punës.

Drejtori i Shëndetësisë në Ferizaj Bekim Ademi, tha se do të angazhohen për të vërtetuar nëse ka ndodhur një gjë e tillë, duke formuar një komision për këtë rast. Megjithatë, ai më shumë u fokusua në punët e realizuara gjatë këtij viti.

 “Sa i përket këtij viti ka qenë vit me angazhime dhe sfida dhe me suksese të njëpasnjëshme, sa i përket sfidave edhe në këtë vit jemi përballur me të metat që na i ka lënë qeveria e kaluar, 240 mijë euro janë marrë nga përmbaruesi në vitin 2018, mbi 156 mijë këtë vit nga përmbaruesi dhe më e dhimbshmja është mbi 47 mijë euro janë marrë nga shtëpia bazë në komunitet nga personat të cilët janë me probleme mentale dhe kjo ka ndodhë falë keqmenaxhimit të qeverisjes së kaluar”, tha Ademi.

Ndaj këtyre akuzave reagoi ish-kryetari i komunës nga LDK-ja Muharrem Svarqa, duke shprehur dyshimet e tij për bashkëpunimin e komunës së Ferizajt me përmbaruesit.

“E vërteta është që flitet aq pa turp për 41 milionë euro borxhe, por nuk flitet me kompetencë kur flitet për përmbaruesit se cilat janë masat që ka ndërmarrë qeveria komunale që të parandaloj marrjen e mjeteve nga projektet. Sipas informacioneve që kemi, kemi një të vërtet që komuna e Ferizajt nuk ka bërë asnjë prapësim në masat e përmbaruesve privat në dobi të operatorëve ekonomik dhe të merren aq shumë miliona përmes përmbarimit pa asnjë reagim të komunës kjo flet qartë për bashkëpunimin e sektorëve të caktuar me përmabruesin”, tha Svarqa.

Debat më i gjatë u zhvillua në mes të asamblistit të LDK-së Burim Karameta dhe atij të PDK-së Lulzim Abazi.

U akuzova se unë kam 182 familjarë të punësuar në QKMF, me u ulë e me qajtë unë më shumë se 15 veta familjarë të mi nuk jetojnë në Ferizaj, në shëndetësi është i punësuar vetëm vëllai im. Ky drejtor, kur kam qenë unë drejtor ka ardhë në zyre të unë dhe ka thënë familjarja ime e ngushtë a ka mundësi me ia vazhdu kontratën dhe me kushtin me ardhë unë në LDK”, tha Burim Karameta.

“Unë veç po du me kujtu që nuk e mban mend Ferizaj asnjë projekt kapital në qeverisjen e Muharrem Svarqës, nuk e di  me cilin projekt mundet me u mburrë dhe me sa fytyrë dalin e akuzojnë qeverisjen lokale ku projektet e kësaj komune veç po preken nga qytetarët. Shëndetësia në kohën e Burim Karametës ka qenë katastrofale”, tha Lulzim Abazi nga PDK.

“Po flitet për menaxhim, edhe Luli në mënyrë indirekte mundet me i kontribu kësaj. Ka një raport të auditorit të jashtëm që flet për secilin, nuk është mirë që të reduktohen kështu gjërat, sa u përket projekteve nuk dua të flas, por kjo qeveri lokale është duke i realizuar projektet e qeverisë së kaluar, tjetër është që bënë përpjekje me i përvetësu”, tha Muharrem Svarqa.

Asamblisti Ali Halimi nga Nisma Socialdemokrate, i bëri ftesë publike Prokurorisë së Shtetit t’i hetoj këto çështje.

“Ka mundësi me u bë mirë në shëndetësi, por një e di që drejtori nga ajo që e njoh nuk është hajn dhe kjo është me rëndësi, ai nuk i ka bërë 3-4 banesa, këtu u fol për miliona euro të keqpërdorura, unë këtu e thërras Prokurorinë e Shtetit që të merret me këto akuza“, tha Halimi.

Pas gjithë kësaj, drejtori i Shëndetësisë Bekim Ademi, u shpreh i bindur se asnjëherë nuk e ka keqpërdorur paranë publike.

“Ju falënderoj për sugjerimet, kritikat që ishin me vend do t’i përmirësojmë ndërsa ato të cilat janë të pabaza nuk na pengon të ecim tutje. Nëse e gjeni vetëm një njeri që 5 centë ia kam dhënë, jam në gjendje me bë edhe aktin më të marrë, vetëvrasje”, tha Ademi.

Në këtë seancë, pas kërkesës së Nehat Mustafës, raportoi edhe drejtori i Arsimit Afrim Llabjani  në lidhje me mosdhënien e bursave të studentëve, i cili tha se mjetet që ishin ndarë për studentë janë marrë nga përmbaruesi, por janë duke bërë përpjekje që ato mjete t’iu kalojnë sa më parë studentëve.

 Pas heqjes së parë të taksës për biznesegjatë mandatit të parë të kryetarit Aliu dhe rivendosjes së saj nga administrata e kaluar dhe e tanishme, sërish kuvendarët e Ferizajt hoqën taksën e bizneseve me të cilën ngarkoheshin disa kategori të veprimtarive në komunën tonë.

Po ashtu, në këtë seancë u miratua Rregullorja Komunale për Transparencë, propozim vendimi për ndryshimin e Statutit të KRU “Bifurkacioni” nga Ndërmarrje Publike Lokale në Ndërmarrje Publike Qendrore dhe Plani i Punës së Kuvendit të Komunës të Ferizajt për vitin 2020.

Continue Reading
Click to comment

Leave a Reply

Your email address will not be published. Required fields are marked *

Ferizaj

Visar Azemi kandidat i LDK-së për kryetar të Ferizajt

Published

on

Visar Azemi është zyrtarisht kandidat i LDK-së për kryetar të Ferizajt.

Kandidatura e Azemit, i cili njëkohësisht  është edhe kryetar i degës së kësaj partie në Ferizaj,  u konfirmua në takimin e sotëm të kryesisë së LDK-së.

Në konferencën për media pas takimit të kryesisë, kryetari i LDK-së, Lumir Abdixhiku, bëri të ditur emrat që i kanë zyrtarizuar të jenë kandidatë për kryetarë të shumicës së komunave në zgjedhjet e 12 tetorit.

Abdixhiku tha se të gjithë emrat janë votuar pa asnjë kundërshtim e abstenim. Kështu, për kryetar të Prishtinës do të garojë Përparim Rama, për Lipjan Imri Ahmeti, për Obiliq Xhafer Gashi, për Fushë Kosovë Besnik Osmani, për Podujevë Ekrem Hyseni, për Drenas Gazmend Heta, për Vushtrri Xhafer Tahiri, për Mitrovicë Gëzim Plakolli, për Pejë Gazmend Muhaxhiri, për Istog Ilir Ferati, për Junik Ruzhdi Shehu, për Deçan Jeton Mushkolaj, për Dragash Behgjet Xheladini, për Prizren Driton Selmanaj, për Suharekë Ardian Shala, për Ferizaj Visar Azemi, për Shtime Kastriot Shabani, për Shtërpcë Valmir Ahmeti, për Viti Sokol Haliti, për Gjilan Arbër Ismaili, për Artanë Bajrush Ymeri, për Gjakovë Shefqet Shehu dhe për Rahovec Burim Krasniqi.

Sipas Abdixhikut, kandidatët për kryetar në Klinë, Malishevë, Kaçanik dhe Kamenicë do të zyrtarizohen ditëve në vijim.

Continue Reading

Ferizaj

Është ndarë nga jeta veterani Naim Ymeri, epror i UÇK-së, TMK-së dhe FSK-së

Published

on

Është ndarë nga jeta eprori i Ushtrisë Çlirimtare të Kosovës Naim Ymeri.

Lajmi u bë i ditur në Facebook nga Organizata e Veteranëve të Luftës së UÇK-së – dega Ferizaj.

Ymeri, gjatë luftës ishte epror i lartë në Zonën Operative të Nerodimes në Ushtrinë Çlirimtare të Kosovës, shef i G1 personelit, derisa pas luftës shërbeu në TMK dhe në Forcën e Sigurisë së Kosovës deri në pensionim.

Në nderim të jetës dhe veprës së tij në shërbim të atdheut, nën patronatin e FSK-së, ish-Komandantit të Zonës Operative të Nerodimës dhe OVL-UÇK-së Dega në Ferizaj, sot 08.07.2025 do të organizohen ceremonitë mortore:

12:00 – Akademi përkujtimore në Sallën e Kuvendit Komunal të Lipjanit

14:00 – Homazhe pranë arkivolit në Kazermën e FSK-së – “Skënderbeu” në Ferizaj

18:00 – Ceremonia e varrimit, në varrezat e fshatit Gllogoc – Lipjan

#

Continue Reading

Ferizaj

Policia në Ferizaj shqiptoi mbi 1700 gjoba dhe pezulloi 33 patentë shoferë

Published

on

Për periudhën nga 30.06.2025 deri më 06.07.2025 në Policinë e Ferizajt janë raportuar 31 aksidente komunikacioni.

Sipas Policisë, në 12 aksidente u lënduan 21 persona ndërsa 19 aksidente të tjera ishin me dëme materiale.

Për të njëjtën periudhë, Policia e Kosovës ka shqiptuar 1,715 gjoba për kundërvajtje në komunikacion derisa janë pezulluar 33 patentë-shoferë për drejtuesit e mjeteve që kanë kryer shkelje të rënda në trafik.

Continue Reading

Trending