Ferizaj

Promovohet libri ”Shtatë fletore” i autorit Havzi Nela

Published

7 years ago

31 January, 2020

Në bibliotekën e qytetit të Ferizajt “Sadik Tafarshiku”, është promovuar libri “Shtatë fletore” i poetit të ndjerë nga Kukësi i Shqipërisë, Havzi Nela. Botuesi dhe përgatitësi i këtij libri, Rexhep Shahu nga Shqipëria, tha se ky libër përmban poezi për dashurinë dhe lirinë për trojet shqiptare gjatë viteve të sistemit komunist.

“Havzi Nela është një njeri i cili është kampion i disidencës politike në Shqipëri, ka bërë 20 vjet burg dhe në fund e kanë varur në litar. Në librin ”Shtatë fletore” të Havzi Nelës 2399 vargje janë për Kosovën. Asnjë poet në Shqipëri dhe në Kosovë nuk i ka kushtuar kaq shumë vargje sa Havzi Nela. Këto fletore kanë një fat të çuditshëm, i ka marrë vëllai dhe i ka muros tek dyshekllëku ku hyn rrobat e gjumit, i ka futur në mure për të mos u gjetur. Kur e kanë marrë Havziun për ta varur, nga frika e sekuestrimeve të kontrolleve, i kanë marrë fletoret dhe i kanë mbjellë tek një mollë në oborrin e Havziut, i kanë mbjellë në tokë 70 cm thellë, kur ka ardhur demokracia, fletoret kanë dalur, gjatë 30 viteve janë njohur 1000 vargje të Havzi Nelës, por dimensionet dhe përmasat reale të Havzi Nelës nuk i ka njohur askush asnjëherë. Krimi i madh i Havzi Nelës ka qenë se i ka kushtuar të gjithë jetën e tij Kosovës”, tha Rexhep Shahu.

Ndërsa, redaktori i librit “Shtatë fletore”, Izet Duraku nga Shqipëria, e quajti Havzi Nelën poet dhe martir të lirisë.

“Jam i lumtur njëkohësisht që Havzi Nela është pranuar më në fund si poet dhe mori edhe çmimin e parë për poezi sivjet, kjo do të thotë që sado që krimet mundohen të fshehen dhe të mohohen, dikur këto do të dalin në dritë të diellit, do të zbulohen edhe sado që gjithmonë bëhen përpjekje. Ai ka qenë disident, ka qenë trim, ka qenë antikomunist, por nuk ka qenë poet, tani u detyrua gjithkush që botimi i kësaj vepre e nxori në dritë aftësinë, doli vetë në dritë, sepse asgjë nuk mund të rrijë mbuluar”, tha Izet Duraku.

Me këtë rast janë promovuar edhe dy libra kushtuar autorit Havzi Nelës, “Një bisedë me Havzi Nelën” nga Rexhep Shahu dhe “Shpirti i lirë i lumës” nga autorë të ndryshëm të Shqipërisë.

Ferizaj

Ndahet nga jeta veterani i UÇK-së, Avdi H. Ahmeti

Published

3 days ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.