Ferizaj

Qytetarët presin ndryshime nga qeveria e re

Published

7 years ago

04 February, 2020

Një ditë pas formimit të qeverisë së re me kryeministër Albin Kurti nga Lëvizja Vetëvendosje, qytetarët ferizajas e vlerësuan pozitivisht këtë ndryshim për Kosovën. Edhe pse ka të atillë që kanë pritur më shumë nga Kurti gjatë seancës së djeshme, të tjerët shpresojnë që premtimet e bëra do të realizohen.

“Për qeverinë e re shpresojmë që i ka fjalët siç po premton, më mirë nuk na duhet neve”, tha Bajram Gashi.

“50% nëse realizohet është mjaftueshëm, vetëm 50% nëse realizohet, mjaft është sepse nuk kemi pasur deri sot asgjë”, tha Bahri Nebiu.

“Të gjitha që i ka premtuar Kurti, çka ka thënë do t’i plotësojë. Këta “llopovat”, a e keni parë në seancë çka kanë bërë, çfarëdo i kanë thënë, mirëpo të gjitha janë vetëm fjalë të tyre. Ia kanë lënë fajin tjetër kujt, mirëpo të gjitha të këqijat i kanë bërë ata të gjithë nga Thaçi e poshtë. Partia e PDK-së është e helmuar sikur Serbia që i ka helmuar 8 milionë, këta PDK-ja kanë helmuar dhe nuk kanë më, nëse edhe fëmijët 5 apo 10 vjeç i fusin në punë, sepse të gjithë i kanë futur në punë dhe sipas krizës edhe ata e shohin si është dhe thonë merr sa të duash sepse edhe unë po marrë pak”, tha Hamëz Ismajli.

“Me qeverinë e re asgjë nuk pres, më keq se me të parën. Janë parë dje diskutimet e tij, nuk e ka përmendur Ushtrinë Çlirimtare të Kosovës dhe dëshmorët. Kjo është qeveri e vdekur akoma para formimit”, tha Zylfi Beqiri.

“Kanë mbërritur dhe kanë bërë ata çka kanë bërë, tani më nuk kanë mundur të bëjnë më shumë. Shpresojmë që këta të tjerët të bëjnë më mirë, nuk kanë qenë kurrë në qeveri, pritet shumë dhe do të bëhet mirë. Ka qenë i nevojshëm doemos ndryshimi. Për fillim mjaft ka prezantuar plane, pastaj pas 4 viteve kur të fillon prapë, besoj që bënë diçka më shumë akoma”, tha Fadil Hetemi.

“Vetëm 40% t’i realizoj më shumë nuk duhet, të tjerat nuk ka nevojë njëherë. Deri dikund jemi të kënaqur, po shpresojmë për më të mira”, tha Nagip Sinani.

”Shpresojmë të bëhet mirë për rininë, për njerëzit e moshuar, për të gjithë, për një jetë normale”, tha Vahide Sinani.

Qeveria e re e Kosovës përbëhet nga 15 ministri, me 12 prej të cilave do të udhëheqin Lëvizja Vetëvendosje dhe LDK-ja, ndërsa tri të tjera u takojnë minoriteteve.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.