Ferizaj

Kompanitë me kapacitete për të menaxhuar situatën, thotë Halili

Published

6 years ago

05 February, 2020

Pas një kohe me temeratura pranverore, Kosova gjatë mbrëmjes së 4 shkurtit është përfshirë nga reshjet e borës.

Drejtori i Shërbimeve Publike dhe Emërgjencave në komunën e Ferizajt, Arben Halili, tha se me të nisur reshjet janë mobilizuar dhe kanë filluar pastrimin e rrugëve.

“Përgatitjet kanë filluar qysh më herët, qysh në muajin tetor kemi vizituar kompanitë për sasi të rërës dhe kripës dhe me konfirmime përmes e-mailit i kemi njoftuar dje rreth orës 15:00 të gjitha kompanitë me qëllim që të jenë të përgatitura. Mund të ketë ndonjë rrugë që nuk është pastruar, por duhet të kihet parasysh që ka rrugë në qytet që janë të ngushta dhe nuk mund të hyjë makineria, megjithatë nuk ka pasur ndonjë sasi të madhe të borës që me u blloku qarkullimi. Tani për tani dy grupe të sektorit të emërgjencave janë në terren duke i vizituar rrugët nëse ka dikund vështirësi ne do të intervenojmë prapë”, tha Halili.

Halili thotë se kompanitë kanë kapacitete për ta menaxhuar situatën.

“Nuk po flas për të gjitha, por kapaciteti i kompanive është parë mbrëmë se kanë kapacitet të mjaftueshëm për të përballuar çdo situatë. Kemi intervenuar edhe në rrugë që nuk janë të kontraktuara, megjithatë unë konsideroj që kompanitë janë të përgatitura dhe një ndër to është edhe “Pastërtia” e cila me sukses ka bërë intervenime”, tha Halili.

Reshjet e borës kanë ndikuar edhe në rritjen e numrit të aksidenteve. Në 24 orët e fundit janë regjistruar aksidente të cilat kanë kalur vetëm me dëme materiale.

“Gjatë 24 orëve të fundit që nuk lidhet vetëm me borën, kanë ndodhur 3 aksidente me dëme materiale në Ferizaj dhe një në Shtime, si dhe dy në magjistrale me lëndime të lehta. Gjatë kësaj kohe po ashtu janë shqiptuar edhe 127 tiketa për kundërvajtje të ndryshme në trafik dhe ne apelojmë tek ngasësit që të kenë kujdes gjatë vozitjes, të jenë të përgatitur me pajisjet dimërore dhe të kenë durim gjatë vozitjes, të respektojnë shpejtësinë dhe shenjat e trafikut në mënyrë që të evitohen aksidentet”, tha zëdhënësi i Policisë për rajonin e Ferizajt Agim Gashi.

Sipas Institutit Hidrometeorologjik të Kosovës, trashësia e borës në Ferizaj është shënuar 12 centimetra. Ky institut njofton poashtu se reshjet e borës do të ndërpriten gjatë orëve të mbrëmjes.

Ferizaj

Humb jetën nxënësi 15 vjeçar në ambientet gjimnazit në Ferizaj

Published

4 days ago

17 April, 2026

Redaksia

Një nxënës ka humbur jetën në ambientet shkollore të gjimnazit “Kuvendi i Arbërit” në Ferizaj.

Sipas policisë, viktima është rrëzuar pa ndjenja në sallën e edukatës fizike dhe me urgjencë është dërguar në Qendrën Emergjente në Ferizaj, ku pavarësisht trajtimit mjekësor, ka ndërruar jetë.

“Me datë 17.04.2026, rreth orës 15:15, është pranuar një informatë se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull (15 vjeç), në rrethana ende të panjohura, është rrëzuar pa ndjenja në sallën e edukatës fizike”, njoftoi zëdhënësi i Policisë për rajonin e Ferizajt, Kanun Veseli.

Në vendngjarje, rastin janë duke e trajtuar hetuesit e stacionit, ata rajonalë dhe krimteknikët ndërsa me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.

Ferizaj

Lëndohet një punëtor pasi bie nga një ndërtesë në Ferizaj

Published

4 days ago

17 April, 2026

Redaksia

Një punëtor 46-vjeçar ka pësuar lëndime të rënda pasi ka rënë nga kati i dytë i një objekti, në rrugën “Uran Tinova” në Ferizaj.

Për shkak të lëndimeve të pësuara, punëtori fillimisht është dërguar për ndihmë mjekësore në Qendrën Emergjente në Ferizaj, e më pas në Qendrën Klinike Universitare të Kosovës (QKUK).

“Ju njoftojmë se sot, rreth orës 12:40, kemi pranuar një informatë se në rrugën “Uran Tinova” në Ferizaj , në një objekt në ndërtim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç.

Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë. Patrullat policore dhe njësitet e hetimeve kanë dalë në vendin e ngjarjes”, ka bërë të ditur zëdhënësi i Policisë për rajonin e Ferizajt, Kanun Veseli.

Ndryshe, brenda dy javëve të fundit ky është rasti i tretë i aksidenteve në punë për shkak të rënies nga lartësia në objekte ndërtimi në Ferizaj.

Ferizaj

Nisin hetimet për vdekjen e 48-vjeçarit në Shtime

Published

5 days ago

16 April, 2026

Redaksia

Policia e Kosovës ka njoftuar se ka nisur hetimet për vdekjen e një personi në vendin e punës në Shtime.

Rasti që ndodhi pasditen e djeshme në zonën industriale të Shtimes, po hetohet si shkelje e sigurisë në punë.

Viktima, Isuf Bislimi, ishte dërguar menjëherë në Emergjencën e Ferizajt, ku nga ekipi mjekësor ishte konstatuar vdekja e tij.

Siç bëhet e ditur në raportin 24 orësh “viktima mashkull kosovar, ishte dërguar në emergjencën e Ferizajt për trajtim mjekësor pasi që dyshohet se derisa ka qenë duke punuar, kishte pësuar lëndime të rënda trupore dhe nga mjeku është konstatuar vdekja e tij.”

Lidhur me këtë rast, i cili është duke u hetuar në dyshimin për “Asgjësim, dëmtim ose heqja e pajisjeve mbrojtëse dhe rrezikim i sigurisë në vendin e punës” një person është arrestuar dhe dërguar në mbajtje për 48 orë, thuhet mes tjerash në njoftimin e Policisë.