Ferizaj

Kërkohet ndihmë financiare për Jetmir Vehbiun

Published

7 years ago

11 February, 2020

25 vjeçari Jetmir Vehbiu nga fshati Prelez i Jerlive është diagnostifikuar me sëmundjen e leukemisë. Trajtimi e tij që nevojitet të bëhet jashtë vendit po kushton shumë shtrenjtë, shumë të cilën nuk mund ta përballoj familja, andaj qytetarët kanë marrë iniciativë për mbledhjen e fondeve.

Këshilli i fshatit prej nga vjen Jetmiri i ka dalë në ndihmë bashkëvendasit të tyre duke u mobilizuar në sheshin e qytetit për grumbullimin e të hollave për shërim jashtë vendit. Njëri ndër përfaqësuesit e këshillit të fshatit, Salih Ilazi, tha se që nga fillimi i aktivitetit kanë pasur përkrahje nga të gjithë vullnetmirët dhe shpresojnë që deri në përfundim të aktivitetit të arrihet shuma e nevojitur 110.000 euro për shërim në Turqi.

“30 mijë euro ka intervenuar ministria, 80 mijë euro i duhen si familje për t’i mbledhur. 80 mijë euro jo këta, por nuk ka familje që ka mundësi për t’i mbledhur dhe jemi dalë ne me iniciativën e fshatit dhe të gjithë kërkojmë të përkrahim këtë rast dhe t’i mbledhim dhe i lutem edhe qeverisë mos të vie puna të dalim ne dhe të maltretohemi ne kur këto duhet t’i heq qeveria këto raste të rënda e jo qytetarët, sepse ne po e shohim punën e të gjithëve. Në bazë të informatave që kam mundur t’i marrë 40 mijë euro kemi mundur t’i mbledhim, duhen edhe 40 mijë të mbledhen për Jetmirin. Kemi marrë iniciativën në fshat, kemi mbledhur rreth 25 mijë euro dhe kanë dhënë edhe donatorët jashtë fshatit, kujt i ka kushtuar zemra na kanë thirrë, kanë dhënë dhe mendojmë që do t’i mbledhim këto. Jemi në kontakt me Jetmirin, e kanë marrë e kanë dërguar në Turqi me mjetet e ministrisë sepse në mënyrë urgjente i janë lëshuar, tani nëse nuk mbledhen këto të holla Jetmiri nuk mund të bëj asgjë”, tha Salih Ilazi.

Avni Hetemi nga Këshilli i fshatit bëri thirrje tek të gjithë që me mundësitë e tyre të ndihmojnë për këtë rast.

“Lus të gjithë qytetarët, ata që kanë mundësi të na ndihmojnë në këtë rast sepse me të vërtetë është një shumë e papërballueshme për familjen edhe për ne si këshill i fshatit. Ne në ato mundësi të tona si fshat kemi grumbulluar një pjesë por duhen ende. Shuma për Jetmirin kushton 110 mijë euro por edhe komuna na ka premtuar se do të mundohen, kemi informuar edhe Ministrinë e Arsimit, nëpër shkolla, të gjithë donatorët, ata që kanë mundësi, nëpër xhamia, qytetarë, çdokund ku të mundemi po mendojmë të ia grumbullojmë këto mjete dhe ta shërojmë Jetmirin që të kthehet sa më shpejt në gjirin tonë”, tha Avni Hetemi.

Aktiviteti për ndihmë financiare për të riun Jetmir Vehbiun ka filluar sot dhe do të vazhdojë deri të shtunën.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

9 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar