Ferizaj

Mbahet panairi i produkteve ushqimore dhe veshmbathjeve tradicionale në Ferizaj

Published

7 years ago

11 February, 2020

Në sheshin e qytetit të Ferizajt është duke u mbajtur panairi i prodhimeve ushqimore dhe veshmbathjeve tradicionale organizuar nga shoqata “Doroci” nga Mitrovica. Pjesëmarrëset e këtij panairi thonë se qëllimi i këtij organizimi është ruajtja e traditës së prodhimeve vendore nga prodhuese të ndryshme të Kosovës.

Njëra ndër kultivueset është Zylfie Vogliqi nga fshati Gërlicë, e cila merret me gatime të ëmbëlsirave, për të cilat thotë se interesimi i qytetarëve nuk mungon.

“Është shumë mirë organizimi, mbledhemi ne gratë këtu dhe tregojmë produktet tona. Të gjitha janë tradicionale dhe të gjitha janë bio, ne vetë i bëjmë, si turshi e këso gjërash, janë të gjithë të interesuar. Unë në përgjithësi merrem me gatime, me bylmete, mirëpo këtu ka nga turshitë, ka aroni, janë të gjitha, rroba”, tha Zylfie Vogliqi.

Violeta Murati, përfaqësuese e ndërmarrjes kultivuese të lëngjeve të aronisë “Kastrioti” nga Podujeva, thotë se këto lloj panaire u mundësojnë komunikimin më të lehtë për benefitet që kanë këto lloj prodhimesh tek qytetarët.

“Ne jemi kultivues dhe përpunues të lëngjeve natyrale të aronisë, manaferrës dhe të boronicës. Punojmë me të gjitha produktet natyrale që janë pa sheqer, pa konservans edhe po është një produkt që po e marrin njerëzit edhe për qejf, por edhe më shumë për efektet shëndetësore që i ka. Për aroni për shembull është për kolesterol, është për tension, për diabet, është për pagjakësi, është për migrenë, mandej është manaferra për shikim kush ka problem, kush ka mungesë të vitaminës C, imunitetit të dobët, boronica është për veshkë, ka shumë efekte shëndetësore”, tha Violeta Murati.

Në këtë panair ka interesim edhe për veshmbathje të punuara me dorë, prej të cilave punuese e tyre është Emine Tahiri nga shoqata “Gratë e Minatorëve” nga Trepça.

“Kemi tradicionale, kemi moderne, kemi ushqim, çdo punëdore që e bëjnë gratë e kemi. I kam edhe 15 anëtare që punojnë, janë punime të tyre, i marrim, i promovojmë, i shesim. Ka deri dikund të interesuar, përpara ka pasur më shumë, tash më pak, por mirë është. 100% është më kualitet këto që i punojmë ne dhe më i mirë, por vlerën nuk ia dijnë sepse edhe mundësitë e bëjnë të vetën, si në Kosovë, si gjithkund thuajse më shumë papunësi se me punë. Ne do të vazhdojmë deri sa jemi të shëndetshëm, mirëpo kur nuk kemi shëndet atëherë duhet të dorëzohemi”, tha Emine Tahiri.

Interesimi i qytetarëve ferizajas për këtë panair ishte mjaftë i lartë.

“Më interesoi të pyes diçka për punimet e vjetëra që janë. Më shumë më pëlqeu të shikoj këto punimet e vjetëra sepse edhe gjyshja ime i ka punuar këto, është një mallëngjim” tha Hajrush Sylejmani.

“Nuk e di se çka të them, kur qëlloj këtu në këto panaire marrë diçka. Janë më të shëndetshme, kur gjej kështu në këto tregje i marrë, i vlerësoj. Zakonisht i bëjmë edhe ne vetë, kur është koha e turshive. Për çdo herë kur jam këndej dhe janë këtu vijë marrë ose mjaltë ose diçka”, tha Fadil Tërpeza.

Panairi i veshmbathjeve dhe ushqimeve vendore në sheshin e Ferizajt do të mbahet deri nesër në mbrëmje.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

6 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar