Ferizaj

Grumbullohen paratë e nevojshme për shërimin e Jetmir Vehbiut

Published

6 years ago

19 February, 2020

Është grumbulluar shuma e nevojitur për shërimin në Turqi të 25 vjeçarit Jetmir Vehbiu nga Prelezi i Jerlive, i cili po vuan nga sëmundja e leukemisë. Iniciatorët për grumbullimin e mjeteve dhe familjarë të Jetmirit nga Prelezi, kanë falënderuar të gjithë ata që kanë shprehur përkrahje për djalin e tyre. Motra e Jetmirit, Ajshe Vehbiu-Biba, është shprehur tejet mirënjohëse ndaj të gjithë atyre që në çfarëdo forme kanë kontribuar për vëllain e saj.

“I falënderoj të gjithë ata që kanë kontribuar për grumbullimin e mjeteve për shërimin e Jetmirit, Allahu i shpërbleftë, faleminderit nga të gjithë. Jetmiri tash është duke u trajtuar me kimioterapi për momentin, gjendjen e ka stabile, mirëpo ka nevojë për mjekim të mëtutjeshëm”, tha Ajshe Vehbiu-Biba.

Përfaqësues nga këshilli i fshatit Prelez i Jerlive, thanë se kanë pasur përkrahje si nga fshati ashtu edhe nga jashtë.

“Në emër të këshillit të fshatit dhe në emër të familjes i falënderojmë të gjithë ata që kanë kontribuar pa marrë parasysh mërgimtarë, shkolla, xhamia, të gjitha na kanë ndihmuar në këtë rast, ju falënderohem të gjithë ata që kanë kontribuar, shpresoj që Allahu t’i shpërblej të gjithë edhe shpresoj që këto lloj raste më nuk shoh askund, sepse ka qenë rast i rëndë, na kanë përkrahur edhe firma, të gjithë, nuk kam koment për të gjithë që kanë kontribuar iu falënderohem edhe iu lutem të gjithëve, komunave të Kosovës, pa marrë parasysh në qoftë se dalin edhe kërkojnë ndokush të ndihmoj akoma, rreth rastit të Jetmirit nuk kanë nevojë më, por në qoftë se ka nevojë si kemi dalur ne këshilli i fshatit deri tani do të dalim përsëri për ndihmë”, tha Salih Ilazi.

“Respekt për të gjithë, faleminderit”, tha Avni Hetemi.

Grumbullimi i mjeteve prej 110 mijë euro për Jetmirin ka filluar nga e diela e javës së kaluar dhe ka përfunduar të shtunën e kësaj jave.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

4 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

5 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim