Ferizaj

Parku i Lirisë mbulohet nga mbeturinat

Published

6 years ago

24 February, 2020

Këtë fundjavë parku i Lirisë në Ferizaj u mbulua me mbeturina prej më të ndryshmeve nga persona të pandërgjegjshëm që frekuentojnë këtë zonë. Drejtori i Shërbimeve Publike Arben Halili, duke fajësuar qytetarët tha se po mundohen që t’i menaxhojnë këto mbeturina.

“Aty ka mbeturina të lloj-llojshme, ka vaj, shishe të ndryshme plastike, gjë që nuk është normale, sepse njerëzit në parkun e Lirisë nuk përdorin vajëra ose gjëra të ndryshme ushqimore apo edhe ato shtëpiake të cilat nuk janë karakteristike për parkun e Lirisë sepse njerëzit dalin për rekreacion dhe nuk kanë kohë të merren me çështje të tjera, do të thotë ne po mundohemi përmes ndërmarrjeve publike t’i menaxhojmë këto, mirëpo nganjëherë është i pamundur dhe reagimi i tyre ndoshta vonon, por megjithatë qytetarët kanë të drejtë të ankohen. Po mundohemi që bashkë me ndërmarrjet publike të ketë një mirëmbajtje sa më të mirë, e keni parë edhe parkun që është në hyrje të parkut të Lirisë, që është vendosur me lodra të ndryshme, aty gjendja është e mirë, mirëpo pjesa në fillim ku është kontejneri i madh, aty për shkak edhe të pakujdesisë së qytetarëve ndoshta nganjëherë edhe qentë endacakë vie deri tek shpërndarja e atyre mbeturinave. Kërkoj nga qytetarët që edhe nëse hedhin mbeturina, t’i lidhin në thasë të veçantë për mbeturina, mundësisht të respektohet orari, sidomos në zonën e qytetit, jo të vendosen pesë apo gjashtë orë para orarit, sepse qentë endacakë apo era shpeshherë na paraqesin probleme”, tha Arben Halili.

Ndërkaq, në kompaninë “Pastërtia” në Ferizaj, apelojnë tek qytetarët që të kenë më shumë përkujdesje ndaj ambientit.

“Zbrazjen e kontejnerëve e kemi me rregull, nuk ka vonesa, zakonisht bëhet ditën e hënë për shkak që kemi vizitorë më shumë dhe bëhet gjatë javës, varësisht nga kërkesat që kemi nga punëtorët e kompanisë “Ambienti”. Ka mundësi që gjatë verës zbrazjet të jenë më të shpeshta, mendoj që janë të mjaftueshëm kontejnerët që gjenden tani, gjatë verës sigurisht që kemi edhe zbrazje më të shpeshta brenda javës. Zbrazja është obligative të hënën për shkak të vikendit”, tha Agim Rexhepi.

Drejtoria e Shërbimeve Publike njoftoi se është në hartim e sipër të një plani operativ që në bashkëpunim me Inspektoratin e kësaj komune të shtojnë kontrollet nëpër hapësirat e ndryshme publike.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

5 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

6 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim