Ferizaj

Banorët kërkojnë asfaltimin e rrugës “Gjergj Fishta”

Published

7 years ago

28 February, 2020

Nga mungesa e rregullimit dhe asfaltimit banorëve të rrugës “Gjergj Fishta” në Ferizaj po iu shkaktohen probleme nga balta dhe gropat e shumta. Ata thonë se komuna është në dijeni për gjendjen e kësaj rruge, mirëpo nuk ka ndërmarrë asgjë.

“Me rrugë kemi probleme që nga qeverisja e Agim Aliut të parë që ka qenë në projekt dhe nuk është realizuar, pastaj ka ardhë qeverisja e Svarqës, nuk ka bërë asgjë, tash pritet në këtë qeverisje mos po kemi diçka më të mirë. Komuna ka marrë iniciativë për ta shpronësuar, por deri tani ka shkuar shumë ngadalë, nuk po e di a po mund të gjejnë mjete apo jo, pa mjete nuk bëhet. Ne kemi bërë ankesat tona, mirëpo deri tani nuk është realizuar asgjë”, tha Afrim Selimi.

“Këtu kanë telashe edhe banorët edhe të gjithë, por më shumë kam unë, sepse unë këtu e kam biznesin. Këtë biznes e kam që 5 apo 6 vite këtu, pjesërisht këtë rrugë e shtrojë edhe vet, nuk e di a i keni përcjellur anësorët e të gjitha, po kam telashe me rrugë dhe e dyta kur është sezoni i klientëve unë 50% po kam dëmtime për shkak se me vetura të mira dhe shtrenjta është telashe të vijnë këtu dhe unë të them të drejtën që 4 vite bëj kërkesa të rregullta. Telashe po kemi dimrit kur po bie borë, atë ditë që bie ne po na mbesin veturat, nuk kemi mundur të kalojmë aspak”, tha Muhamet Karaliu.

“Unë punoj që 4-5 vite këtu, më shumë rrobat na bëhen me baltë, nëse do të rregullohej kjo rrugë do të ishte shumë mirë për ne, sepse në këtë sezonë punoj, 3 apo 2 muaj, më shumë jo. Shumë baltë bëhet gjatë kësaj sezone. Po e shihni edhe ju vet, katastrofë”, tha Kadrie Avdiu.

Drejtori i Infrastrukturës Arbër Bytyqi, tha se procedurat e nevojshme për rregullimin e kësaj rruge këtë vit tashmë kanë përfunduar.

“Sa i përket rrugës “Gjergj Fishta” është një problematikë me të cilën ne jemi marrë në vazhdimësi, por besoj që ky vit do të jetë vit i zgjedhjes së problemit edhe për atë rrugë, pasi që përveç frekuentimit të qytetarëve që banojnë në atë zonë është edhe një rrugë lidhëse në mes të rrugës “Epopeja e Jezercit” dhe rrugës së Gremës pra rrugës “Enver Topalli”, unë po besoj gjatë këtij viti ne vetëm se e kemi në kod buxhetor dhe do të vazhdojmë me procedurat e tenderimit dhe shpresojmë që mos të kemi vonesa me procedurat e tenderimit, pasi që mosmiratimi i buxhetit në Qeverinë e Kosovës na ka vonuar në inicimin e procedurave të tenderimit sa i përket jo vetëm këtij projekti, por edhe projekteve të tjera. Unë po besoj që me miratimin e buxhetit ne do të fillojmë procedurat e tenderimit për rrugën “Gjergj Fishta” dhe më në fund do t’i japim drejtim lidhjes së problemit në rrugën “Gjergj Fishta”, tha Arbër Bytyqi.

Përpos rrugës së dëmtuar, pronari i biznesit të bujqësisë “AgroBesi” thotë se shtyllat elektrike që ai ka investuar në rregullimin e tyre, janë në rrezikshmëri të rënies, por që nga KEDS akoma nuk kanë marrë masa.

“18 shtylla unë kam aktivizuar këtu sepse nuk kam pasur mundësi dhe nuk kam pasur zgjidhje tjetër, tani janë të dëmtuar shumë, ka raste që edhe me vetura i kanë sulmuar. Një prapa që e kam e kanë ndërruar para dy vite, është rënë në tokë e gjitha, por tani e kam telashe këtu afër serrave, këtu e kam edhe orën dhe të gjitha serrat i kam të lidhura me rrymë, por e kam siguruar përafërsisht me disa shtylla, disa tela, disa shkallë, domethënë që një vit e gjysmë e kam këtë problem. Kërkesë kam bërë 2-3 herë, kanë thënë që do e kryejnë, kam bërë thirrje edhe në Prishtinë në qendër atje ku më kanë thënë se kjo punë është e kryer, më nuk ke çka thirrë, por deri më sot nuk ka ardhë askush”, tha Muhamet Karaliu.

Televizioni Tema ka kontaktuar drejtorin e KEDS për rajonin e Ferizajt, Ramadan Ahmeti, i cili përmes telefonit tha se ekipi i tyre do të verifikojë rastin për marrjen e masave pastaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar