Arsim

Paralajmërohet dezinfektimi i shkollave

Published

4 years ago

09 March, 2020

Drejtoria e Arsimit në Ferizaj do të veproj sipas urdhërit të Ministrisë së Arsimit dhe asaj të Shëndetësisë në rast se në Kosovë paraqitet ndonjë person i infektuar nga koronavirusi.

Drejtori i kësaj drejtorie Afrim Llabjani, tha se momentalisht nuk ka vend për panik, por sidoqoftë do të marrin vendime për ndërprerjen e procesit mësimor varësisht rekomandimeve të nivelit qendror.

“Fatmirësisht në Kosovë ende nuk kemi të rezultuar persona të infektuar që është duke shkaktuar telashe të mëdha ne botë, tash së fundmi kemi raste edhe në regjion, ne me siguri se do të jemi në harmonizim me vendimet e tona, me Ministrinë e Arsimit dhe të Shëndetësisë për të marrë vendime të sakta dhe vendime që do të jenë në favor të mbrojtjes së qytetarëve dhe çdo vendim që do të merret në nivel qendror do të respektohet edhe nga ne“, tha Llabjani.

Llabjani, tha se kanë marrë masat e nevojshme rreth përkujdesjes së informimit të nxënësve dhe higjienës nëpër shkolla.

“Ne si Drejtori e Arsimit kemi vepruar ashtu siç është kërkuar nga Ministria e Arsimit duke shpërndarë informacione nëpër shkolla, pastaj duke u qëndruar shkollave edhe me mjete higjenike dhe po besoj që deri tani ia kemi dalë mirë, por ne do t’i shtojmë masat varësisht nga kërkesat e Ministrisë. Ne dy herë në vit dezinfektojmë shkollat, tani na ka ardhë edhe një e-mail nga Ministria për dezinfektim të shkollave dhe shumë shpejtë do të fillojmë”, tha Llabjani.

Zyrtarisht në Kosovë ende nuk ka ndonjë rast të konfirmuar me këtë virus, por që shqetësimet janë shtuar pas paraqitjeve së dy personave të prekur me koronavirus në Shqipëri.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.